+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Almatyda naýqastarǵa durys qyzmet kórsetpegen aýrýhanalarǵa 889 mln teńge aıyppul salyndy

2021 jylǵy 16 shilde 14:21
Bólisińiz:
Almatyda naýqastarǵa durys qyzmet kórsetpegen aýrýhanalarǵa 889 mln teńge aıyppul salyndy

ALMATY. QazAqparat -Jyl basynan beri Almaty turǵyndaryna kórsetilgen medıtsınalyq kómek sapasyn baqylaý barysynda 10 myńnan astam qyzmettiń túrli kemshilikpen kórsetilgeni anyqtaldy. Nátıjesinde qaladaǵy emdeý mekemelerine 889 mln teńge aıyppul salyndy. Bul týraly «Áleýmettik medıtsınalyq saqtandyrý qory» KEAQ Almaty fılıaly málim etti, dep habarlaıdy QazAqparat tilshisi.

Uqsas jańalyqtar
Qazaqstanda vaktsına salynýy tıis balalardyń jas aralyǵy parametrleri ózgere me Atyraý oblysynda koronavırýs juqtyrǵan 27 naýqastyń jaǵdaıy aýyr Medıtsınalyq zattardy zerthanalyq synaqtan ótkizý ortalyǵy qurylady

Medıtsınalyq qyzmet sapasyn baqylaý bóliminiń jetekshisi Ásem Manapbaevanyń aıtýynsha, kemshiliktiń basym bóligine konsýltatıvtik-dıagnostıkalyq kómek kórsetetin klınıkalar tarapynan jol berilgen.

Jalpy, konsýltatıvtik-dıagnostıkalyq kómek boıynsha 8 myń qyzmet túrli kemshilikpen kórsetilgen. Nátıjesinde 12,2 mln teńge qaıtaryp alyndy.

Aqaýmen kórsetilgen 4,6 myń qyzmet – statsıonarlar men statsıonardy almastyratyn kómek uıymdaryna tıesili.

Kemshilikter úshin atalǵan klınıkalar 870,1 mln teńge aıyppul tóledi. Al kemshilikterge jol bergen emhanalar Qorǵa 7,5 mln teńge qaıtardy.

«Monıtorıng barysynda anyqtalǵan kemshilikterdiń deni emdeý-dıagnostıka barysynda belgilengen standarttardan aýytqý, medıtsınalyq qujattardy durys toltyrmaý, qyzmet baǵasyn negizsiz ósirý syndy olqylyqtarǵa kelip saıady. Sonymen qatar, «kórsetildi» dep jazylǵan belgili bir qyzmet túrleriniń shyn máninde kórsetilgenin rastaı almaǵan klınıkalar da bar», – deıdi Ásem Manapbaeva.

MSQ kórsetken qyzmet sapasyna turaqty baqylaý júrgizip otyrady.

Búginde dáriger kómegine júginbegen adamdy «qabyldaýda boldy» dep jazý máselesi jurtshylyq arasynda ózekti máselege aınalǵany belgili.

Bıylǵy qańtar-mamyr aılary aralyǵynda fılıal mamandary azamattardan túsken aryz-shaǵymdar nátıjesinde osyndaı 71 faktini anyqtap, medıtsına uıymdaryna 1,6 mln teńge aıyppul saldy.

Sonymen qatar statsıonarlar men kúndizgi statsıonar deńgeıinde «kórsetildi» dep tirkelgen 25 fakti boıynsha tıisti qyzmettiń kórsetilmegeni belgili boldy.

Nátıjesinde 13,4 mln teńge qorǵa qaıtaryldy. Qaıtaryp alynǵan qarajat medıtsınalyq kómektiń ózge túrlerine jumsalady.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT