+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Almatyda NATO-nyń «Beıbitshilik úshin áriptestik» baǵdarlamasynyń 20 jyldyǵyna oraı Halyqaralyq konferentsııa ótýde

2014 jylǵy 9 qazan 12:59
Bólisińiz:

ALMATY. QazAqparat- Búgin Almatyda NATO-nyń (Soltústik Atlantıkalyq Shart Odaǵy) 1994 jyly qabyldaǵan «Beıbitshilik úshin áriptestik» baǵdarlamasynyń 20 jyldyǵyna oraı, «Beıbitshilik úshin áriptestik: yntymaqtastyqtyń sabaqtary jáne ony bolashaqta damytý» atty Halyqaralyq ǵylymı-tájirıbelik konferentsııa bastaldy.

«Qazaqstan kópvektorly saıasat júrgizedi. Kóptegen halyqaralyq qaýipsizdik qurylymdarmen yntymaqtasyp kele jatqandyǵymyz sonyń aıqyn kórinisi. Sondaı halyqaralyq uıymdardyń biri - NATO. Bul uıym 1994 jyly Eýropa jáne burynǵy keńestik respýblıkalarmen áskerı yntymaqtastyq ornatý jóninde «Beıbitshilik úshin áriptestik» baǵdaralmasyn qabyldaǵan bolatyn. Qazaqstan oǵan sol jyly 27 mamyrda qol qoıdy. Bul jerde yntymaqtastyq ár túrli baǵytta júrgiziledi. Solardyń biri - qaýipsizdik jáne ǵylym salasy. Búgingi konferentsııa sol 20 jyldyq yntymaqtastyqty qorytyndylaýǵa baǵyttalǵan», - dedi óz sózinde ál-Farabı atyndaǵy Qazaq ulttyq ýnıversıteti janyndaǵy NATO týraly resýrstyq jáne aqparattyq ortalyqtyń dırektory, professor Quralaı Baızaqova.

Qazir atalmysh ǵylymı-tájirıbelik konferentsııaǵa NATO-nyń Ortalyq Azııa boıynsha úılestirýshileri, QR Syrtqy ister mınıstrligi men dıplomatııalyq korpýstyń ókilderi, Ortalyq azııalyq jáne shet eldik sarapshylar qatysýda.

Ál-Farabı atyndaǵy Qazaq ulttyq ýnıversıtetiniń Halyqaralyq qatynastar fakýlteti korpýsynda ótip jatqan bul basqosý erteń de jalǵasyn tabady.

Aıta ketelik, Soltústik Atlantıkalyq Shart Odaǵy - álemdegi eń iri halyqaralyq uıymdardyń biri. NATO Eýropa jáne Soltústik Amerıkanyń 28 memleketin biriktiretin saıası jáne áskerı odaq. Bul memleketter qaýipsizdik jáne qorǵanys máseleleri boıynsha qarym-qatynas ornatý úshin kezdesip turady. Osylaısha NATO atalmysh eki qurlyq arasynda saıası jáne kaýipsizdik máselesi boıynsha biregeı dáneker qyzmetin atqarady.

Al «Beıbitshilik úshin áriptestik» baǵdarlamasyna búgingi tańda 22 memleket kiredi.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT