Almatyda moped, elektrosamokatta júrý tártibine qatysty sharalar qabyldanady  - polıtsııa
2022 jylǵy 22 maýsym 23:58

Almatyda moped, elektrosamokatta júrý tártibine qatysty sharalar qabyldanady - polıtsııa

ALMATY. QazAqparat – Almatyda moped, elektrosamokat, monodóńgelek sekildi kólik quraldarynan bolatyn jol apattary artyp otyr. Bul týraly Almaty qalalyq polıtsııa departamenti ákimshilik polıtsııa basqarmasynyń bastyǵy Nurlan Amanbek aıtty, dep habarlaıdy QazAqparat tilshisi.

«Almaty qalasynda jeke mobıldilik quraldary, ıaǵnı, moped, elektrosamokat, monodóńgelek sekildi kólik quraldarynan bolatyn jol apattary artyp keledi. Sebebi, olardyń qozǵalysyn baqylap otyrǵan eshkim joq, bul quraldardy basqarýshylarǵa eshqandaı shekteýler joq, ıaǵnı, olarmen qaıda júrgisi kelse júre beredi. Osyǵan oraı, aldaǵy ýaqytta Almatyda kóliktiń osy túrleriniń júrý tártibi, olardyń júrgizýshilerin ákimshilikke jaýapqa tartý týraly sharalar qabyldanatyn bolady», - dedi Nurlan Amanbek.

Onyń aıtýynsha, qalada adam ólimine ákeletin jol apattary túngi ýaqytta kóp bolady.

«Bul ýaqytta kólik keptelisteri joq, keıbir júrgizýshiler mas kúıinde kólik júrgizedi jáne túngi ýaqytta adamnyń kórý qabileti nasharlaıdy. ıAǵnı, júrgizýshi túnde kóligimen manevr jasaǵan kezde, janyndaǵy kólikti baıqamaı, jol apatyn jasaıdy. Al túngi ýaqytta bolatyn jol apattarynyń negizgi sebep-saldary - kólikti asa joǵary jyldamdyqpen júrgizý, qarama qarsy baǵytqa shyǵyp ketý. Kúndizgi ýaqytta da jol apattary bolady. Biraq, ol kezde adamdardyń zardap shegýi az», - dedi polıtseı.

Sondaı-aq ol Almatyda búgingi kúni resmı túrde 550 myńnan astam avkólik tirkelgenin, odan bólek 300 myńǵa jýyq avtokólik beınekameralarmen baqylanatynyn, ıaǵnı, qalada kúndelikti 900 myńdaı avtokóliktiń qozǵalysy bolatynyn atap ótti.


Uqsas jańalyqtar

Jańalyqtar

Úrdis

MURAǴAT