Almatyda medıtsınalyq qyzmettiń sapasyn kóterý máseleleri talqylandy

ALMATY. QazAqparat– QR Prezıdenti Qasym-Jomart Toqaevtyń Almatyny damytý jónindegi keńeıtilgen keńeste bergen tapsyrmasyn oryndaý maqsatynda qala ákiminiń orynbasary Erjan Babaqumarov shtabtyń kezekti otyrysyn ótkizdi, dep habarlaıdy QazAqparat tilshisi.
Jıynda qan aınalymy júıesi aýrýlarynan, jaraqattar men jazataıym oqıǵalardan bolatyn ólim-jitim kórsetkishterin tómendetý, sondaı-aq hırýrgııalyq qyzmettiń sapasyn arttyrý máseleleri qaraldy.
Qalalyq aýrýhanalar men emhanalardyń bas dárigerleriniń esebin tyńdaǵan shahar basshysynyń orynbasary Erjan Babaqumarov ınsýlt, ınfarkt, sondaı-aq ómirge qaýip tóndiretin jaraqattarmen kúresý jumystaryn kúsheıtý qajettigin atap ótti.
«Ólim deńgeıin tómendetý boıynsha josparly jáne júıeli jumys isteý qajet. Ár bas dáriger aýrýdyń órshýine áser etetin faktorlardy anyqtap, ólim-jitimniń aldyn alýǵa yqpal etetin sheshimderdi tabýy tıis», — dedi Erjan Babaqumarov.
Jıynǵa qatysýshylardyń pikirinshe, medıtsınalyq jabdyqtardy jańartý arqyly kórsetiletin qyzmettiń sapasyn kóterýge bolady. Aıta keteıik, qala ákiminiń tapsyrmasyna sáıkes aldaǵy úsh jylda Almatynyń medıtsınalyq mekemelerin 90% zamanaýı jabdyqtarmen qamtamasyz etý kózdelgen.
Sonymen qatar, basqosýda medqyzmetkerlerdiń bilim sapasy men biliktiligin arttyrý, sondaı-aq bolashaq dárigerlerdi daıarlaý máselesi týraly aıtyldy.
Keńeske Qoǵamdyq densaýlyq basqarmasy basshysynyń m.a. A. Madeeva, «áleýmettik medıtsınalyq saqtandyrý qory» KEAQ Almaty boıynsha fılıalynyń dırektory T.Ábildaev, QDSB basshysynyń orynbasary A. Bısenbaeva, QDSF dırektorynyń orynbasary J.Kenjebaeva qatysty.
- Soltústik Qazaqstannyń 10 aýdanynda KVI juqtyrýdyń jańa jaǵdaılary tirkeldi
- Almatyda 10 kitaphana tolyqtaı jańartyldy
- Almatyda qylmys deńgeıi 47,8% tómendedi
- Koronavırýstan emdelip jatqan 311 patsıenttiń jaǵdaıy aýyr
-
«Ál-Farabı» ǵylymı-tehnologııalyq alqabyn qurý jónindegi ınvestıtsııalyq joba qolǵa alyndy
-
Koronavırýs: Qazaqstan «qyzyl» aımaqqa kirdi
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam