+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Almatyda medıtsına kolledjiniń stýdentteri dinı saýattylyq jóninde dáris tyńdady

2019 jylǵy 16 qyrkúıek 19:51
Bólisińiz:
Almatyda medıtsına kolledjiniń stýdentteri dinı saýattylyq jóninde dáris tyńdady

ALMATY. QazAqparat- Saıasattanýshy Rasýl Jumalyuly Respýblıkalyq joǵary medıtsına kolledjiniń 500 stýdentine dáris oqydy, sharany Almaty qalalyq Qoǵamdyq damý basqarmasy uıymdastyrdy, dep habarlaıdy QazAqparat tilshisi.

Uqsas jańalyqtar
Qazaqstannyń Bas múftıi Baký sammıtine qatysýda Dinde shekten shyǵýshylyq joq - dintanýshy Túrkistan oblysynyń prokýratýrasy din taqyrybynda semınar ótkizdi

Saıasattanýshy jastarmen kezdesýde halyqtyń ásirese jastardyń dinı saýattylyǵyn kóterý qajettiligin atap ótti.

«Islam dinine qatysty túrli alyp qashpa áńgimeler bar. Batysta ıslamǵa qarama-qaıshy kózqaras qalyptasqan. Aıdap salý, keleńsiz sıpat alý sııaqty dúnıeler bar. Bul durys emes. Islamnyń negizgi baǵyty- ol adamgershilik, adaldyq, ımanǵa toqtaý, qaıyrymdylyq jasaý, qınalǵandarǵa qol ushyn berý. Islam dinin ustaǵandar mindetti túrde hıdjab kıip, saqal ósirip, balaǵyn túrip júrý degendi bildirmeıdi. Bul adamnyń jáı ǵana syrtqy kelbeti»,- deıdi Rasýl Jumalyuly.

Lektordyń aıtýynsha, qazirgi tańda álem 200 memlekettiń ishinde 56 memleket ıslam dinin ustanady. Olardyń ishinde demokratııalyq, zaıyrly elder bar.

«Elimizdiń zaıyrlylyǵy memlekettik bılik organdarynyń dinı nanym-senimge kózqarasyn aıqyndaıdy. Zaıyrly memlekette memlekettik bılik din jáne dinı birlestikterden bólingen. Memleket din isine, al din jáne dinı birlestikter memleket isi men saıasatqa aralaspaıdy. Bizdiń konstıtýtsııa boıynsha biz osyndaı memleketpiz. Desekte, din sol eldiń, qoǵamnyń, sol memlekettiń dástúriniń, dininiń, diliniń bir bóligi bolǵandyqtan árıne múldem aralaspaıdy deýge bolmaıdy. Memleket bul máselelerdi rettep, qarap otyrýy kerek», - dedi shyǵystanýshy.

Terrorızm men ekstremızmniń aldyn alýǵa arnalǵan sharada jastarǵa jıhad sóziniń maǵynasy túsinidirildi.

«Qazir «jıhad» degen sózdi estisek boldy, boıymyzdy birden qorqynysh pen úreı bıleıdi. Munyń maǵynasy burmalaǵan. Jıhad shyn máninde jaqsylyqqa umtylý, ózińdi jetildirý, eńbektený, talpyný, kúresý degen maǵynany bildiredi. Al, teris aǵymdaǵylar muny basqa uǵymda paıdalanyp júr. Islamnyń ózi baǵyný, qulshylyq etý, beıbitshilikke toqtalý degendi bildiredi», - dedi saıasattanýshy Rasýl Jumalyuly.

Lektsııa barysynda stýdentter ózderin tolǵandyryp júrgen suraqtar tóńireginde oılaryn ortaǵa salyp, pikir almasty.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT