Almatyda «Medeý» muz aıdynynyń mereıtoılyq maýsymy ashyldy
2021 jylǵy 6 qarasha 15:40

Almatyda «Medeý» muz aıdynynyń mereıtoılyq maýsymy ashyldy

ALMATY. QazAqparat - Almatyda «Medeý» muz aıdynynyń 50-shi mereıtoılyq maýsymy ashyldy. Bul týraly qala ákimi Baqytjan Saǵyntaev Instagram-paraqshasynda jazdy, dep habarlaıdy QazAqparat tilshisi.

Baqytjan Saǵyntaevtyń aıtýynsha, qaladaǵy sanıtarlyq-epıdemıologııalyq jaǵdaıdy eskere otyryp, muz aıdyny 2500-den astam adam qabyldaı alady. Kirý – Ashyq arqyly.

«Seans 3 saǵatqa deıin sozylǵan. Demalys pen mereke kúnderi keshki muz aıdyny tún ortasyna deıin jumys isteıdi. Qala turǵyndaryna yńǵaıly bolý úshin «Medeýden» №12 avtobýstyń sońǵy marshrýty túngi saǵat 00.30-da shyǵady. Sonymen qatar, «Balýan Sholaq» sport saraıy - «Medeý» muz aıdyny baǵyty boıynsha ekspress-marshrýttyń jumysy qaıta jandandy. Eksprester demalys pen mereke kúnderi 9.00-den 19.00-ge deıin júredi», - dep jazdy qala ákimi.

Eske salsaq, budan bólek «Medeý» muz aıdyny men «Shymbulaq» taý shańǵysy kýrorty aımaǵynda JAC iEv7S markaly segiz elektromobıl jáne SAIC MAXUS EV90 eki elektr mıkrobýsy júre bastaǵanyn jazǵan edik.


Uqsas jańalyqtar

Jańalyqtar

Úrdis

MURAǴAT