FÝTBOLDAN ÁLEM ChEMPIONATY-2022
  Jańalyqtar  >

Almatyda mas jigit balalar oınaıtyn alańǵa «bomba qoıdy»

2022 jylǵy 6 qazan, 01:01
Almatyda mas jigit balalar oınaıtyn alańǵa «bomba qoıdy»

ALMATY. QazAqparat - Bomba qoıylǵany týraly habar 102 pýltine saǵat 19:00 shamasynda túsken, dep habarlaıdy QazAqparat.

Belgisiz bireý Rysqulov jáne Momyshuly kósheleriniń mańyndaǵy balalar alańyna jarylǵysh zat qoıylǵanyn aıtqan.

Nysandy jedel tekserý kezinde qońyraýdyń jalǵan ekeni belgili boldy.

«Qazirgi zamanǵy qaýipsizdik júıesimen ádeıi jalǵan habar aıtyp, qońyraý shalǵan adamdy tabý qıyn emes. Keshendi jedel izdestirý sharalary barysynda Almaty qalasynyń 35 jastaǵy turǵyny ustaldy. A. esimdi azamat mas boldy jáne nelikten jalǵan qońyraý shalǵanyn aıta almady. Er adam jaýapqa tartylady. Ádette, lańkestik aktisi týraly jalǵan habarlamanyń saldarynan halyq arasynda dúrbeleń týyndap, adamdardyń edáýir bóligi jarylǵysh zatty izdeýge alańdaıdy, búkil tótenshe jaǵdaılar qyzmeti jumyldyrylady», - deıdi Alataý aýdandyq PB-na qarasty polıtsııa bóliminiń basshysy, polıtsııa polkovnıgi Qumarbek Kenshinbaev.

Sondaı-aq spıker lańkestik aktisi týraly qasaqana jalǵan habarlaǵandar 6 jylǵa deıin bas bostandyǵynan aıyrylatynyn atap ótti.

Tegı:
Almaty   Oqıǵa   Feık  
Uqsas jańalyqtar
Seriktester jańalyqtary

Jańalyqtar