+7 (701) 759 90 19
USD 425.63 EUR 515.99
RUB 5.92 CNY 66.52
Jańalyqtar

Almatyda «MadMen» tobynyń mýzykanttary esirtki satty degen kúdikpen ustaldy

2021 jylǵy 22 sáýir 17:36
Bólisińiz:
Almatyda «MadMen» tobynyń mýzykanttary esirtki satty degen kúdikpen ustaldy

ALMATY. QazAqparat - Almatyda tanymal Q-ror tobynyń músheleri esirtki zattaryn jasap, satty degen kúdikpen ustaldy, dep habarlaıdy QazAqparat tilshisi.

Polıtseıler 21-30 jas aralyǵyndaǵy 10 adamdy ustaǵan. Topty basqarǵan – 1994 jyly týǵan azamat H.

«Esirtki bıznesine qarsy kúres basqarmasy qyzmetkerleri byltyr qyrkúıek aıynan beri kúdiktilerdiń birine ańdyǵan. Qolda bar jedel málimetterge sáıkes, toptaǵy bir azamat birneshe aıdan beri Almatyda sıntetıkalyq esirtkini jasaýmen jáne satýmen aınalysqan. Azamat H.-nyń jáne onyń «kómekshileriniń» qylmystyq áreketi resmı túrde qujattalǵan. Onyń ár kómekshisiniń róli naqty belgilengen. Mysaly, logıstıkalyq kompanııa arqyly Reseı Federatsııasynan sıntetıkalyq esirtki zattaryn óndirýge arnalǵan komponentterdi jetkizýge úsh adam jaýap bergen, olardyń biri – qyz bala. Eki jas jigit – kassırler, ótinimder qabyldaýǵa jaýapty boldy. Taǵy tórt er adam – esirtkini belgilengen jerge jasyrýshylar, olar ádette Naýryzbaı, Bostandyq jáne Alataý aýdandarynda jumys istegen», – dedi Almaty qalalyq Polıtsııa departamenti bastyǵynyń orynbasary Berik Ábilbekov.

Ustalǵandardyń arasynda tanymal qazaqstandyq «Madmen» shyǵarmashylyq tobynyń músheleri de bar ekeni anyqtaldy.

«Sıntetıkalyq esirtkini daıyndap, satty degen kúdikpen ustalǵan 10 adamnyń 2-eýi atalǵan shyǵarmashylyq topqa qatysy bar», - dedi polıtsııadan.

Sanktsııalanǵan tintýler birneshe mekenjaıda júrgizildi. Esirtki zerthanasyna qajetti atrıbýtıkanyń kóp bóligi Almaty mańynda jalǵa alynǵan úıden tabyldy. «Ustalǵandardyń aıtýy boıynsha, tárkilengen zattar – «mefedron» esirtki zaty. Sot-hımııalyq saraptama taǵaıyndaldy. Kúdiktiler PD ýaqytsha ustaý ızolıatoryna qamaldy», – dep qorytyndylady Berik Ábilbekov.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT