+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Almatyda qylmys 20,6% azaıdy

2019 jylǵy 17 qyrkúıek 10:15
Bólisińiz:
Almatyda qylmys 20,6% azaıdy

ALMATY. QazAqparat – Almatyda sońǵy úsh jylda qylmystyq ahýal turaqty kúıinde qalyp otyr. Jalpy qylmys deńgeıi 20,6% tómendedi, dep habarlaıdy QazAqparat tilshisi.

Almaty qalalyq Polıtsııa departamentiniń basshysy Serik Kúdebaevtyń aıtýynsha, aýyr jáne asa aýyr qylmystar – 34,9%, urlyq – 23%, qaraqshylyq shabýyl – 18,9%, buzaqylyq – 64%, bótenniń múlkin urlaý – 11,5%, zorlaý – 25,3% jáne bopsalaý 2 esege azaıdy. Sondaı-aq esirtki qylmystary 2,1 esege tómendegen.

«Negizgi baǵyttar boıynsha qylmystardyń betin shuǵyl ashý jaqsardy, atap aıtar bolsaq, aýyr qylmystar – 11,6%, páter urlyǵy – 11,9%, basqalardyń múlkin ıemdený – 35,6%, qasaqana aýyr dene jaraqatyn keltirý – 4,4%, buzaqylyq – 20,6%, avtokólikterdi urlaý – 3,3%. Qalada qabyldanǵan keshendi uıymdastyrýshylyq jáne praktıkalyq sharalar qylmystyq jaǵdaıdy turaqtandyrýǵa múmkindik berdi. Almaty qalasy ákiminiń tapsyrmasyna sáıkes, departament qyzmetteri 2 aýysymdyq rejimde patrýldeý jumysyn uıymdastyrdy. Kóshede jáne qoǵamdyq jerlerde jasalǵan qylmystardy taldaý nátıjeleri boıynsha, qalada ishki aýmaqtardy qamtı otyryp, 67 krımınogendik patrýldeý ýchaskeleri jasaldy. Árbir patrýldik marshrýt úshin sıpattama, jospar-tapsyrma, marshrýt dıagrammasy jáne krımınogendik oryndar belgilendi. Kún saıyn jaıaý patrýldik jasaqtardyń jumysyn baqylaý jumystary uıymdastyryldy. Aı saıyn biz qaladaǵy qylmystyq jaǵdaıdy taldaýǵa súıene otyryp, jaıaý jáne kólik patrýldik buıryqtaryna ýaqyt pen orynǵa qatysty taldaý júrgizemiz», - dedi Serik Kúdebaev.

Sonymen qatar, qoǵamdyq oryndarǵa ýchaskelik polıtsııa beketteri ornatyldy.

«Jalpy, 32 ýchaskelik polıtsııa beketin ornatý josparlanǵan, ár aýdanda – tórtten. Bul beketter zaman talabyna saı jabdyqtalǵan. Olardy halyq tyǵyz ornalasqan jáne krımınogendik aýmaqty eskere otyryp ornatamyz. Bul pýnktter óte mobıldi, qajet bolǵan jaǵdaıda olardy qalanyń basqa jerlerine, qylmystar men quqyqbuzýshylyqtar jıi oryn alatyn jerlerge ońaı aýystyrýǵa bolady. Osy maqsatta jedel jaǵdaıǵa turaqty taldaý jasalady. Polıtsııa beketteri táýlik boıy jumys isteıdi: kúndiz ýchaskelik ınspektorlar tartylady, al túnde statsıonarlyq pýnktte patrýldik qyzmetkerler qyzmet etedi», - dep qorytyndylady Serik Kúdebaev.


Bizdiń kanalymyzǵa jazylyńyz:

Basty sózder: Almaty, Qylmyspen kúres, Aımaq,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT