+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Almatyda qurylys josparlaǵanda balalar ortalyqtary úshin oryn qarastyrylady

2019 jylǵy 19 tamyz 12:44
Bólisińiz:
Almatyda qurylys josparlaǵanda balalar ortalyqtary úshin oryn qarastyrylady

ALMATY. QazAqparat – Almaty ákimi Baqytjan Saǵyntaev qalada kópqabatty turǵyn úılerdi josparlaǵan kezde balalarǵa arnalǵan shaǵyn ortalyqtar úshin birinshi qabattaǵy oryndar bólinetini týraly sheshim qabyldanǵanyn málimdedi, dep habarlaıdy QazAqparat tilshisi.

Uqsas jańalyqtar
Oqýshynyń dinı ustanymyn durys qalyptastyrý mańyzdy – Nurbolat Aıekeshov «Mektepke jol»: Jambyldyq 30 myńǵa jýyq balaǵa kómek kórsetildi Atyraýda erekshe balalarǵa arnalǵan ınklıýzıvti synyp ashyldy

«Qaladaǵy turǵyndar sanynyń ósýi balabaqshalar qurylysy qarqynan asyp otyr. Balabaqshalardaǵy kezekter sany jyl saıyn artyp, búginde 56 myń oryndy (1-6 jas aralyǵyndaǵy balalar) qurap otyr. Balalardy mektepke deıingi tárbıemen jáne balabaqshalarda oqytýmen qamtý 84% quraıdy», - dedi Baqytjan Saǵyntaev bilim berý júıesi qyzmetkerleriniń forýmynda.

Ákimniń aıtýynsha, taǵy bir másele – jeke balabaqshalardy sýbsıdııalaý boıynsha sharalar qoldanylyp jatqanymen, ata-analar úshin tólem somasy joǵary bolyp otyr.

Osylaısha, balabaqshalar ata-analarmen qosymsha qyzmetter úshin kelisim jasap, nátıjesinde jeke balabaqshalardaǵy bilim berý quny 50-70 myń teńgege barady. Oǵan qosa, memleket ár bala úshin 28 myń teńge tólep otyr.

«Bilim basqarmasy osyndaı kelisimderge taldaý júrgizip, kórsetilip jatqan qyzmetter baǵasyn qaıta qaraýy kerek. Prezıdent Qasym-Jomart Toqaev tapsyrǵandaı, bizge balabaqshalardaǵy balalardyń qaýipsizdigin qamtamasyz etý úshin baqylaýdy kúsheıtý kerek. Budan bólek, jeke mektepke deıingi bilim berý uıymdary men shaǵyn ortalyqtardaǵy tárbıeshiler bilim berý protsesinde Memlekettik standart talaptaryna júginýi qajet», - dep atap ótti ákim.

Baqytjan Saǵyntaev Úkimette qaladaǵy balalar baqshalarynda memlekettik bilim berý tapsyrysy úshin qarjyny kóbeıtý máselesi pysyqtalyp jatqanyn málimdedi.

«Іshki kóshi-qon men týý kórsetkishiniń ósýine baılanysty balalar kontıngentiniń jyl saıynǵy ósimin esepke alǵanda, bul Almaty úshin mańyzdy. Aldaǵy úsh jylda qala qazynasy 6,5 mlrd teńgege tolyǵady. Biz ony balabaqshalardaǵy oryn jetispeýshiligin azaıtýǵa jumsaımyz», - dedi ákim.

Sondaı-aq, ákimdik mektepke deıingi bilim berý mekemeleriniń qoljetimdilik máselelerin aqyryn sheshetin bolady.

«Biz qaladaǵy kópqabatty turǵyn úılerdi josparlaǵan kezde balalar shaǵyn ortalyqtary úshin birinshi qabattaǵy oryndar bólinetini týraly sheshim qabyldadyq», - dedi Baqytjan Saǵyntaev.

Eske salaıyq, Almaty ákimi jas muǵalimderge aqshalaı kómek bóledi.

Avtor: Danııar Daýtalıev

Bizdiń kanalymyzǵa jazylyńyz:

Basty sózder: Almaty, Bilim,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT