Almatyda kovıd aýrýhanalardaǵy tósek-oryn sany qysqardy
2021 jylǵy 29 qarasha 12:50

Almatyda kovıd aýrýhanalardaǵy tósek-oryn sany qysqardy

ALMATY. QazAqparat - Almatyda koronavırýs juqtyrǵan 425 naýqas em qabyldap jatyr. Bul týraly qalalyq qoǵamdyq densaýlyq basqarmasynan málim etti, dep habarlaıdy QazAqparat tilshisi.

28 qarasha kúngi aqparat boıynsha, bir táýlikte qalada 65 adam koronavırýs juqtyrǵan.

Munyń ishinde sımptomdy, jeńil jáne ortasha deńgeıdegi belgilermen – 63, sımptomsyz – 2 naýqas tirkeldi.

Barlyq emdelip shyqqandar – 7, kelip túskeni – 17

«Infektsııalyq statsıonarlarda 425 adam bar. Onyń ishinde 20 bala emdelýde. Tósek-oryn 1 774-ten 1434-ke deıin qysqardy», – dep naqtylady Qoǵamdyq densaýlyq basqarmasynyń baspasóz qyzmetinen.

Sondaı-aq, reanımatsııa jáne qarqyndy terapııa bóliminde 47 adam jatyr.

Al 13 naýqas jasandy tynys alý apparatyna qosylǵan.

Invazıvti emes jasandy tynys alý apparatynda 18 adam em qabyldaýdy jalǵastyrýda. High flow-da 9 apparat jumys isteıdi.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 888 patsıent bar.

Onyń ishinde indet belgileri bar, ortasha aýyr jaǵdaıda – 851 naýqas. 37 adamda koronavırýs belgileri joq.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT