Almatyda koronavırýstan taǵy eki adam jazylyp shyqty

ALMATY. QazAqparat – Almatyda koronavırýstan jazylǵan taǵy eki adam aýrýhanadan shyǵaryldy, dep habarlaıdy QazAqparat tilshisi.

«Eki er adam búgin eresek juqpaly aýrýlar aýrýhanasynan shyǵaryldy. 1962 jyly týǵan azamat 13 naýryzda Berlın-Mınsk-Almaty charterlik reısimen kelgen bolatyn. Ekinshisi - 1995 jyly týǵan jigit 15 naýryzda Seýl-Almaty reısimen keldi», - dedi qalalyq Qoǵamdyq densaýlyq saqtaý basqarmasynyń basshysy Tileýhan Ábildaev.

Qazirgi tańda megapolısten bes naýqas saýyǵyp shyqty. Olardyń bireýi 12 jastaǵy qyz bala.

Endi olardyń barlyǵy medıtsına qyzmetkerleriniń baqylaýynda úıde 14 kúndik karantınde bolady.