Almatyda koronavırýs juqtyrǵandardyń kópshiligi vaktsına almaǵandar
2022 jylǵy 29 maýsym 17:29

Almatyda koronavırýs juqtyrǵandardyń kópshiligi vaktsına almaǵandar

ALMATY. QazAqparat - Almatyda 16-28 maýsym aralyǵynda 352 koronavırýs ınfektsııasyn juqtyrǵan adam tirkelse, onyń ishinde vaktsına almaǵandar 222 adam (63%). 2022 jyldyń basynan beri qalada KVI boıynsha 55 322 jaǵdaı tirkelgen. Bul týraly QazAqparat ákimdikke silteme jasap habarlaıdy.

Almaty qalasy qoǵamdyq densaýlyq saqtaý basqarmasy men Almaty qalalyq sanıtarlyq-epıdemıologııalyq baqylaý departamentiniń 2022 jylǵy 24 maýsymdaǵy birlesken buıryǵymen koronavırýs juqtyrǵan naýqastardy emdeýge arnalǵan tósek-oryn sany 135-ke deıin ulǵaıtyldy.

2022 jylǵy 29 maýsym kúni tańerteńgi jaǵdaı boıynsha juqpaly aýrýlar aýrýhanasynda 48 patsıent emdelip jatyr. Aýrýhanaǵa túskenderdiń ishinde 10 júkti áıel bar, olardyń eshqaısy vaktsına almaǵandar. Úı karantıninde 269 patsıent bar, olardyń 80%-ǵa jýyǵy vaktsına almaǵandar.

Infektsııa juqtyrǵandardyń arasynda «stels-omıkron» shtammy basym. Boljam boıynsha, bul mýtatsııa búginde aınalymda, al bul ınfektsııanyń údemeli ósýin týdyrady. Naýqastardaǵy klınıkalyq sıpatta kóbinese kataraldy qubylystar basym bolady: dene qyzýy, jótel, tamaq aýrýy, álsizdik jáne t.b.

Búginde qalada medıtsınalyq uıymdarda 96 vaktsınatsııa pýnkti jáne 175 vaktsınalaý brıgadasy jumys isteıdi.

Almatyda vaktsınalaný úshin kelesi preparattardyń dozalaryn alýǵa boolady, olar: QazVac, Vero Cell, Pfizer.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT