Almatyda koronavırýs juqtyrǵan jolaýshy otyrǵan ushaq janarmaı toltyrdy

ALMATY. QazAqparat – Almaty ákimdigi áýejaıda koronavırýstyq ınfektsııaǵa jol bermeý boıynsha qaýipsizdik sharalaryn kúsheıtedi, dep habarlaıdy QazAqparat.

Uqsas jańalyqtar

ShQO-da 21 jastaǵy mas júrgizýshiniń kinásinen jol apaty boldy

Jabyq avtoturaqqa gazben júretin kólik qoıǵandar 12 myń teńge aıyppul tóleıdi Ómirzaq Shókeev jol qaýipsizdigin qamtamasyz etý baǵytyndaǵy jumysty kúsheıtýdi tapsyrdy Gazben júretin kólikterge arnaıy belgi japsyrý usynyldy

«2020 jyldyń 25 qańtarynda Almaty qalasynyń áýejaıynda «Ystanbul — Ýhan — Ystanbul» baǵyty boıynsha ushyp bara jatqan TCCJ charterlik reısi janarmaı toltyrý úshin aıaldady. Qolda bar aqparat boıynsha buryn osy bortta koronavırýs juqtyrǵan jolaýshy bolǵan. Almaty ákimdigi áýe kemesine qosymsha kerosın quıý kezinde barlyq sanıtarlyq-karantındik baqylaýdyń kúsheıtilgen normalaryn saqtap, qajetti sharalardy qabyldady. Elimizdegi iri megapolıstiń aýmaǵynda koronavırýstyń taralýyna jol bermeý maqsatynda kerosın quıý operatsııasy jolaýshylar men ekıpaj múshelerin evakýatsııalaýsyz júzege asyryldy», - dep habarlady Almaty qalasy ákimdiginiń baspasóz qyzmeti.

Sonymen birge, Almatyǵa Qytaıdyń 5 qalasynan keletin reısteri eskerilip, qalalyq taýarlar men qyzmetterdiń qaýipsizdigin baqylaý komıteti departamenti jáne áýejaıdyń medıtsınalyq qyzmeti epıdemııaǵa qarsy sanıtarlyq-profılaktıkalyq sharalardy júzege asyrýda. Qazirgi ýaqytta barlyq reıster erekshe baqylaýda.

«Eldegi barlyq áýejaılar men vokzaldarda, ásirese Qytaıdan keletin jolaýshylardy ótkizý beketterinde barlyq jolaýshylardyń, tasymaldaýshylardyń, ekıpaj músheleriniń, bortserikterdiń jáne basqalardyń mindetti janasýsyz termometrııasy júrgiziledi. Barlyq joldarda, sonyń ishinde temirjol, avtomobıl joldarynda, Qytaımen shekaralas barlyq sanıtarlyq-karantındik pýnktterde de termometrııa júrgizilýde. Qolda bar málimetter boıynsha, ázirge 13 myńnan astam jolaýshy tekseristen ótti. Infektsııany juqtyrý oqıǵasy tirkelmegen», - dep habarlady ákimdik.

Eske sala ketsek, Qytaıda taraǵan pnevmonııa Taıland, Eýropa elderi men AQSh-ta tirkeldi. Qazaqstan saqtyq sharasy retinde koronavırýsty anyqtaıtyn praımerlerdi satyp alýdy bastady. QR Densaýlyq saqtaý mınıstrligi elimizde koronavırýstyq ınfektsııa tirkelmegenin resmı aıtty.

Aýrýǵa baılanysty Haınandaǵy týrıster tekserile bastady.