+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Almatyda koronavırýs juqtyrǵan 4 naýqastyń jaǵdaıy óte aýyr

2020 jylǵy 30 mamyr 19:49
Bólisińiz:
Almatyda koronavırýs juqtyrǵan 4 naýqastyń jaǵdaıy óte aýyr

ALMATY. QazAqparat – Almatyda COVID-19 vırýsyn juqtyrǵan jańa 37 jaǵdaı anyqtaldy. Іndet juqtyrǵandardyń jalpy sany 2499 adam, dep habarlaıdy QazAqparat tilshisi.

Uqsas jańalyqtar
Nur-Sultanǵa Mınskiden kelgen eki áýe jolaýshysy PTR testileýden bas tartty Koronavırýs mýtatsııalana bastady: Jańa vırýsqa 20A.EU1 degen ataý berildi PTR-anyqtamasy joq sheteldikter ushaqqa otyra almaıdy – aptalyq sholý

«Jańadan juqtyrǵandardyń tórteýi jergilikti turǵyn. Bul azamattardan qaýipti indet ózderin profılaktıkalyq maqsatta teksergen kezde anyqtalǵan. Taǵy 4 azamattan qalalyq statsıonarlarǵa jatqyzý kezinde tabyldy. Qalǵan adamdar naýqastarmen baılanysta bolǵan jandar.Statsıonarlarǵa emdeýge jatqyzylǵan barlyq naýqas koronavırýstyq ınfektsııanyń taralýyna jol bermeý maqsatynda, taldaý nátıjeleri shyqqanǵa deıin súzgi rejımindegi bólimderde bolady»,– deıdi Almaty qalasy Qoǵamdyq densaýlyq basqarmasynyń basshysy Tileýhan Ábildaev.

Qazirgi ýaqytta ınfektsııa juqtyrǵan 1038 adam qalanyń juqpaly aýrýlar statsıonarlarynda em alyp jatyr, onyń ishinde 56 bala bar.

«Buryn sozylmaly aýrýlarynyń bolýyna baılanysty 4 adamnyń jaǵdaıy óte aýyr, 22 patsıent – aýyr, 304 naýqastyń jaı-kúıi – aýyrlyqtyń ortasha dárejesinde. Al qalǵan emdelýshilerdiń jaǵdaılary qanaǵattanarlyq. Jalpy, naýqastardyń basym kópshiliginde aýrý sımptomsyz ótýde dep aıtýǵa bolady», – dedi Tileýhan Ábildaev.

Onyń aıtýynsha, provızorlyq gospıtaldarda – 177 adam, karantındik oqshaýlaýda – 139 adam jáne úı karantıninde 14339 azamat bar.

Keshe Almatyda koronavırýstyq ınfektsııadan saýyǵyp, 76 adam emhanadan shyǵaryldy. Búgin taǵy 30-dan astam adamdy úıine shyǵarý josparda.

Jalpy, Almatyda pandemııa bastalǵannan beri 1451 azamat saýyǵyp shaqty. Bul megapolıste tirkelgen, vırýs juqtyrǵan adamdardyń jalpy sanynyń 59 paıyzyn quraıdy.

«Qalada karantın saqtalýda. Men turǵyndardy barlyq karantındik sharalardy, áleýmettik qashyqtyq pen betperde taǵý rejımin saqtaýǵa shaqyramyn», - dep qorytyndylady basqarma basshysy


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT