+7 (701) 759 90 19
USD 429.76 EUR 518.16
RUB 5.64 CNY 66.15
Jańalyqtar

Almatyda kópbalaly otbasylar baspanaly boldy

2020 jylǵy 16 jeltoqsan 13:48
Bólisińiz:
Almatyda kópbalaly otbasylar baspanaly boldy

ALMATY. QazAqparat - Almatyda Táýelsizdik kúni qarsańynda júzdegen otbasy baspanaly boldy, dep habarlaıdy QazAqparat tilshisi.

Qala ákimi Baqytjan Saǵyntaev «Shańyraq» jáne «Nurly jer» baǵdarlamalary boıynsha baspana alǵan baqytty jańa qonys ıelerin quttyqtady.

«Shańyraq» baǵdarlamasy boıynsha Naýryzbaı aýdanyndaǵy «Nurly dala» turǵyn úı kesheninen 232 páter berildi. Bul baǵdarlama Memleket basshysynyń tapsyrmasymen qoljetimdi nesıeler arqyly turǵyn úımen qamtamasyz etý maqsatynda ázirlengen.

«Nurly jer» turǵyn úı baǵdarlamasynyń «jaldamaly baspana» baǵyty boıynsha kezekte turǵan 140 adam páter kiltin aldy. Túrksib aýdanynyń «Jas qanat» yqshamaýdanynda 80 páter, Alataý aýdanynyń 13-shi yqshamaýdanynda 60 páter berildi.


Tuńǵysh Prezıdent – Elbasy Nursultan Nazarbaevtyń tapsyrmasy boıynsha az qamtylǵan otbasylardaǵy azamattardy baspanamen qamtamasyz etý maqsatynda jaldamaly turǵyn úı baǵdarlamasy júzege asyrylyp jatyr.

Páter kiltterin tapsyrý rásiminde qala ákimi Baqytjan Saǵyntaev jınalǵandardy Táýelsizdik kúnimen quttyqtady, jańa qonys ıelerine baqyt tiledi.

«Táýelsizdik kúninde baspanaly bolý – zor qýanysh. Úılerińizde árqashan beıbitshilik, qýanysh pen tynyshtyq ornasyn! Qonys toıy qutty bolsyn!», - dedi B. Saǵyntaev.

Jyl basynan beri Almatyda páterge muqtaj 2184 otbasy baspanaǵa ıe boldy. Sonyń ishinde «Nurly jer» baǵdarlamasy boıynsha 289, «Baqytty otbasy» – 376, «Shańyraq» – 250, «Almaty Jastary 3.0» – 1000, «TÚQJB-nyń nesıelik turǵyn úı jelisimen» 360 adam baspanaly boldy.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT