Almatyda konfessııaaralyq dıalogty saqtaý máselesi talqylandy

ALMATY. QazAqparat - Almaty qalasy ákiminiń orynbasary Erjan Babaqumarov qala ımamdarymen kezdesip, qoǵamdyq kelisim men konfessııaaralyq dıalogty saqtaý máselelerin talqylady, dep habarlaıdy QazAqparat tilshisi.

Uqsas jańalyqtar

Respýblıkalyq dinı birlestikterdiń ókilderi qarttar úıinde boldy - Aqmola oblysy

Ekinshi «Pátýalar jınaǵy» kitaby jaryq kórdi Taldyqorǵandaǵy «114» jelisine jarty jylda 6 myń qońyraý shalynǵan Abaev: Sadaqaǵa arnalǵan termınaldar QMDB-nyń ashyqtyqqa umtylyp otyrǵanyn dáleldeıdi

Qala ákiminiń orynbasary Erjan Babaqumarov, kezdesý barysynda jastarmen jumys júrgizýdiń erekshe mańyzy men jaýapkershiligi jóninde sóz qozǵady.

Memlekettiń ornyqty damýynyń negizi bolyp tabylatyn qoǵamnyń turaqtylyǵyn, kelisim men ózara túsinistikti saqtaýda qala meshitteri qyzmetkerleriniń mańyzdy ról atqaratynyn atap ótti.

«Qazaqstanda túrli din ókilderi beıbitshilik pen kelisimde ómir súrýde, biz sol úshin maqtana alamyz. Qazaqstan musylmandarynyń dinı basqarmasy osynaý teńgerimdi saqtaýǵa aıtarlyqtaı úles qosýda», - dedi Erjan Babaqumarov.

Almaty qalasynyń bas ımamy Erkinbek Shoqaı, meshitterdiń qala ómiriniń turaqtylyǵyna, qoǵamnyń tynyshtyǵyna qosyp jatqan úlesteri men meshit qyzmetkerleriniń únemi jamaǵatqa otansúıgishtik pen beıbitshilikti qadirleýge baǵyttalǵan ýaǵyz-nasıhattaryn júrgizip jatqanyn tilge tıek etti.

Kezdesý barysynda, ımamdar meshitter tarapynan Ramazan aıy men aıt merekelerinde jáne basqa da ataýly kúnderde istelip jatqan qaıyrymdylyq jumystaryna toqtaldy. Eń bastysy, meshit isteriniń júrýine qoldaý bildirip otyrǵan qala ákimshiligi men qala ákimi Baqytjan Saǵyntaevqa alǵys bildirdi.

Búginde Almatyda 17 konfessııa enetin 180 dinı birlestik, onyń ishinde Qazaqstan musylmandary Dinı basqarmasynyń 50 meshiti bar.