Almatyda komendant saǵatyn buzǵan 84 adam ákimshilik jaýapqa tartyldy
2022 jylǵy 17 qańtar 10:01

Almatyda komendant saǵatyn buzǵan 84 adam ákimshilik jaýapqa tartyldy

ALMATY. QazAqparat- Almatyda komendant saǵatyn buzǵany úshin 84 adamákimshilik jaýapqa tartyldy. Bul týraly qalalyq polıtsııa departamentiniń bastyǵyQanat Taımerdenov Almatynyń tynys-tirshiligin qalpyna keltirý jónindegi qalalyqshtab otyrysynda málim etti, dep habarlaıdy QazAqparat tilshisi.

Onyń aıtýynsha, qaladaǵy qoǵamdyq tártipti qamtamasyz etýge jáne asa mańyzdy nysandardy qorǵaýǵa 3 800 polıtsııa men sarbaz jumyldyryldy.

Sonymen qatar, ol Almatyda úsh aýsymdy rejımde polıtsııa jáne áskerı qyzmetkerlerden qurylǵan jaıaý patrýlder jumys istep jatqanyn aıtty.

«Qalada 5 blok-beket jumys istep tur. Oǵan 390 adam jumyldyrylǵan. Qorǵanys

mınıstrligi áskerı qyzmetkerleri qalanyń barlyq mańyzdy strategııalyq nysandaryn

qorǵap tur. Polıtsııa bankterdiń 49 esep aıyrysý bólimshesin kúzetke aldy», - dedi

ol.

«Terrorızmge qarsy operatsııa bastalǵaly ishki ister organdaryna jalpy 2 300 adam jetkizildi. Olardyń 236-sy qaraqshy jáne jappaı tártipsizdikke qatysqandar boldy, olar qamaýǵa alyndy. 84 adam komendattyq saǵatty buzǵany úshin ákimshilik jaýapqa tartyldy»,- dedi Qanat Taımerdenov.

Spıkerdiń sózinshe, 7 qarý-jaraq dúkeninen 1 347 qarý urlanǵan. Osyǵan qatysty arnaıy tergeý toby quryldy. Osy sátke deıin 127 qarý tárkilendi, onyń 58-i ańshy dúkeninen urlanǵany anyqtaldy.

Avtor:
Tilshi

Jańalyqtar

MURAǴAT