+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Almatyda kesilgen aǵashtar: Sulpak kompanııasy málimdeme jasady

2020 jylǵy 26 qarasha 13:56
Bólisińiz:
Almatyda kesilgen aǵashtar: Sulpak kompanııasy málimdeme jasady

ALMATY. QazAqparat – Sulpak kompanııasy Almatyda zańsyz aǵash kesý faktisi boıynsha túsinikteme berdi, dep habarlaıdy QazAqparat tilshisi.

Uqsas jańalyqtar
Mınıstrlik pen «Qoǵamdyq baqylaý jáne monıtorıng» uıymy ekologııalyq problemalardy birlese anyqtaıdy Everesten shyqqan qoqys art-nysandarǵa aınalady Qaraǵandy jylý elektr ortalyqtarynda shyǵaryndylardy azaıtý jumysy kúsheıedi

Kompanııa málimdemesin Facebook paraqshasynda jarııalady.

«Tergeý barysynda merdiger kompanııa qyzmetkerleriniń Sulpak-qa tıesili emes jáne bizdiń kompanııamyzǵa jalǵa berilmegen aýmaqtaǵy aǵashtardy óz erkimen kesip tastaǵany anyqtaldy. Biz quzyrly organdardyń kinálilerge zańǵa sáıkes tıisti shara qabyldaıtynyna senimdimiz. Biz óz otandastarymyz ben klıentterimizdi túsinip otyrmyz, sondyqtan ákimdikpen birge jumys isteýge jáne qalamyzdyń ekologııasyn jaqsartýǵa daıynbyz»,– dep jazdy kompanııa.

Sonymen qatar, kompanııa basshylyǵy Almaty qalasynyń aýmaǵynda jáne qala ákimdigimen kelisilgen merzimde 500 úlken aǵash otyrǵyzý týraly sheshim qabyldaǵanyn atap ótti.

Buǵan deıin, Almatyda Tóle bı kóshesindegi saýda úıiniń aldyndaǵy sırek kezdesetin aǵashtardy kesip tastaǵan kúdikti anyqtalǵanyn jazǵan bolatynbyz.

Eske sala ketsek, 23 qarashada túnde Almatyda saýda úıiniń janyndaǵy jaıqalǵan emen men qaraǵash otaldy. Bul týraly turǵyndar áleýmettik jelide narazylyq bildirdi.

«Qazir aýdan ákimdigi men polıtsııa departamenti kesilgen aǵashtardyń tuqymy men sapasyn anyqtaý úshin oqıǵa ornynda jumys istep jatyr. Aıypty tulǵalar anyqtalǵan soń Polıtsııa Departamenti olardy jaýapkershilikke tartady. Tolyǵyraq aqparatty anyqtaý jumystary aıaqtalǵan soń jarııalaımyz», - dep málim etti qala ákimdigi.

Keıin Almaty qalalyq jasyl ekonomıka basqarmasy saýda úıiniń aldyndaǵy aǵashtardyń jappaı kesilýiniń mán-jaıyn anyqtady.

Prezıdent Qasym-Jomart Toqaev Almaty qalasy Tóle bı kóshesindegi aǵashtardyń otalǵanyna qatysty jaǵdaıǵa nazar aýdardy.

Memleket basshysy Almaty ákimi Baqytjan Saǵyntaevqa atalǵan jaǵdaıǵa baılanysty qyzmettik tekserý júrgizip, kinálilerdi jaýapkershilikke tartýdy tapsyrdy.

24 qarasha kúni qala ákimi Baqytjan Saǵyntaev máseleni óz baqylaýyna alǵanyn málim etti.

Búginde Almaty prokýratýrasy zańsyz aǵash kesý faktisi boıynsha tergeý júrgizip jatyr.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT