+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Almatyda «Kazbat» kórkem fılminiń alǵashqy kórsetilimi ótti

2019 jylǵy 19 qarasha 20:30
Bólisińiz:
Almatyda «Kazbat» kórkem fılminiń alǵashqy kórsetilimi ótti

ALMATY. QazAqparat - Almatyda tanymal rejısser Asqar Uzabaevtyń «Kazbat» atty jańa áskerı dramasynyń bastapqy kórsetilimi ótti, dep habarlaıdy QazAqparat tilshisi.

Uqsas jańalyqtar
Norvegııada «Ámire» fılmi kórsetildi «Meniń Jansúgirovym» atty derekti fılmniń tusaýkeseri ótkiziledi Qazaqtildi kıno nege praım-taımda kórsetilmeıdi - Otandyq kınonyń ózekti máseleleri

Fılm QR áskerı qyzmetshileriniń tájik-aýǵan shekarasynda bitimgerlik maqsatta qyzmet atqarǵan kezindegi shynaıy oqıǵany baıandaıdy. 1995 jyly 7 sáýir kúni Pshıharv shatqalynda Qazaqstan ishki áskeriniń jetinshi qurama rotasy sodyrlardyń tutqıyldan jasaǵan shabýylynan ot pen oqtyń qursaýyna túsip qalady. Jaýdyń kúshi basym bolǵan urysta 17 adam qaza bolyp, 33-i jaralanǵan edi.

Aýǵan jaǵynan shabýyl jasaǵan sodyrlar bir saǵattyń ishinde Tájikstan aýmaǵyna ótip ketýdi josparlaǵan bolatyn. Biraq olarǵa qarsy jasalǵan shabýyldyń óte kúshti bolǵandyǵynan, bes saǵatqa sozylǵan qarýly qaqtyǵystan keıin keri sheginýge májbúr boldy. Bul oqıǵa Qazaqstannyń ishki áskerleri tarıhyndaǵy eń qaıǵyly oqıǵa bolyp qala beredi.

Fılmde tanymal, talantty akterler Dáýren Serǵazın, Rınat Doshıbekov, Halyq Rahat, Dııas Myrzahmet, Sharıfbek Zakırov jáne Indıra Shynbolatqyzy oınaıdy.

Fılmniń ıdeıasyn usynǵan – QR Ulttyq ulanynyń Bas qolbasshysy general-leıtenant Rýslan Jaqsylyqov, bas prodıýser – Danııar Ibragımov, qoıýshy rejısser – Asqar Uzabaev, fılmniń qoıýshy bas operatory – Maksım Zadarnovskıı.







«Men bul oqıǵanyń 7 sáýirde bolǵanyn estigende túsiniksiz kúı keshtim. Sebebi 7 sáýir meniń týǵan kúnim. Sondyqtan osy oqıǵany baıandaıtyn fılm túsirý kerek ekenin túsindim. Múmkindiginshe shynaıy oqıǵaǵa jaqyn bolýǵa tyrystyq. Biraq men rejısser retinde fılosofııalyq oılarǵa kóbirek mán bergen sııaqtymyn», - dedi rejısser Asqar Uzabaev.

Túsirilim Almaty oblysyna qarasty Sharyn shatqaly men Іle ózeniniń boıynda ótti.

Kórkem fılm 21 qarashadan bastap elimizdiń barlyq kınoteatrlarynda kórsetile bastaıdy. Fılmniń teledıdarǵa arnalǵan nusqasy kelesi jyly 7 sáýir kúni atalǵan qarýly qaqtyǵystyń 25 jyldyǵyna oraı «Qazaqstan» telearnasynan kórsetiledi.

Bizdiń kanalymyzǵa jazylyńyz:

Basty sózder: Almaty, Mádenıet,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT