+7 (701) 759 90 19
USD 378.86 EUR 416.78
RUB 6.06 CNY 54.62
Jańalyqtar

Almatyda «Kazakhstan Urban Conference 2019» konferentsııasy ótedi

2019 jylǵy 11 jeltoqsan 15:48
Bólisińiz:
Almatyda «Kazakhstan Urban Conference 2019» konferentsııasy ótedi

ALMATY. QazAqparat – Búgin QR Prezıdenti janyndaǵy Ortalyq kommýnıkatsııalar qyzmeti Almaty qalasy ákimdiginiń alańynda «Kazakhstan Urban Conference 2019» konferentsııasyna arnalǵan kóshpeli baspasóz máslıhatyn ótkizdi, dep habarlaıdy QazAqparat tilshisi.

Uqsas jańalyqtar
Kvazımemlekettik sektordaǵy satyp alý týraly zań jobasy neni kózdeıdi Premer-Mınıstr tıimsiz bıýdjet shyǵystaryn qysqartý tásilderin 2 aptada jarııalaýdy tapsyrdy Prezıdent jarııalaǵan moratorıı aıasynda qandaı qysqartýlar júredi

Atalǵan baspasóz máslıhatyna Kazakhstan Growth Forum tóraǵasy Eldar Ábdirazaqov, «Adam Damu» Eýrazııalyq gýmanıtarlyq ortalyqtyń» tóraıymy Aıda Áljanova jáne Kazakhstan Urban Conference uıymdastyrý komıtetiniń múshesi Artashes Grıgorıan qatysty.

Uıymdastyrýshylardyń aıtýynsha, erteń ótetin konferentsııada «Almaty-2050» strategııasy jáne qalany damytý máselesi talqylanbaq.

«Biz zertteýler júrgizemiz, sharalardy, túrli talqylaýlardy uıymdastyramyz, jobalardy, bilim baǵdarlamalaryn usynamyz. Biz qalany damytý shahardyń, bıliktiń, bıznes-qurylymdardyń birlesip atqaratyn ortaq jumysy ekenine senemiz. Sondyqtan Qazaqstan qalalary turǵyndarynyń osyny túsinýin jáne protsesterge belsendi túrde qatysýyn qalaımyz», – dep atap ótti Kazakhstan Growth Forum tóraǵasy Eldar Ábdirazaqov.

Eldar Ábdirazaqovtyń pikirinshe, Almaty elimizdiń betke ustar qalasy ári halyqtyń turýyna yńǵaıly bolýy kerek.

«Qalanyń ár aýdanynda halyqqa qyzmet kórsetetin oryndar bolýy kerek, adamdar qalanyń bir shetinen ekinshi shetine aǵylyp júrmeýi qajet. Sarapshylar Almatynyń basty úsh problemasyn atap otyr. Ol -ekologııa, kólik keptelisi jáne qaýipsizdik máselesi. Osy baǵytta qazir jumystar jasalyp jatyr. Sondaı-aq, qalaǵa aǵylatyn mıgranttar sany da óse beredi. Óıtkeni ońtústik aımaqtaǵy Jambyl, Almaty oblystarynda eńbekaqy mólsheri tómen, ondaǵy halyq Almatyǵa kóshýin toqtatpaıdy», - dedi ol.

Aıta keteıik, qarasha aıynyń sońynda Almaty ákimi Baqytjan Saǵyntaev Almatynyń aldaǵy 30 jyl ishindegi damýynyń jobasyn usyndy. Ony naqty bekitý úshin taldaýshy toptar, qoǵamdyq qorlar, túrli sala sarapshylary jáne qala turǵyndary «Almaty-2050» damý Strategııasy tujylymdamasynyń jobasyn belsendi túrde talqylady. Budan ózge, saıtqa bastamashyl qalalyqtardan shamamen 1077 usynys tústi.

Paneldi sessııa pikirtalastaryna shamamen úsh júzdeı adam qatysatyn bolady, olardyń arasynda azamattyq belsendiler, memleket qaıratkerleri, bıznesmender, sarapshylar jáne qoǵam ókilderi bar.

Bizdiń kanalymyzǵa jazylyńyz:

Basty sózder: Almaty, Ekologııa, Ekonomıka,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT