+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Almatyda «Kazakhstan Urban Conference 2019» forýmy ótip jatyr

2019 jylǵy 12 jeltoqsan 14:35
Bólisińiz:
Almatyda «Kazakhstan Urban Conference 2019» forýmy ótip jatyr

ALMATY. QazAqparat– Búgin Kazakhstan Urban Conference 2019 otyrysynda Almaty ákimi Baqytjan Saǵyntaev megapolıs damýynyń túbegeıli jańa kezeńin bastaıtyn «Almaty 2050» strategııasynyń qoǵam men sarapshylar talqylaýynan ótken nátıjesin usyndy, dep habarlaıdy QazAqparat tilshisi.

Uqsas jańalyqtar
Almatyda iri JOO-lardy qala syrtyna kóshirý usynyldy 2050-Damý strategııasy: Almaty qalaı túrlenedi Baqytjan Saǵyntaev Almatynyń bolashaǵy týraly aıtty

Almaty ákimdigi uıymdastyrǵan Kazakhstan Urban Conference 2019 forýmynyń pikirtalas alańynda qoǵamdyq qaýipsizdik, qala kóliginiń tıimdiligi, ekologııa, megapolıstiń aýmaqtyq damýy, kommýnaldy sektordy jaqsartý, eńbekpen qamtý jáne basqa da máseleler talqylanýda. «2050 jyly Almatynyń kelbeti qalaı ózgeredi?», «Almaty 5 mln turǵynǵa metroóńir bola ala ma?» taqyryptary jeke talqylanady.

Ýrban forýmnyń jumysyna steıkholderler, ýrbanıster, sáýletshiler, ekonomıster, ınvestorlar, úkimettik emes uıym ókilderi men qala turǵyndary qatysýda. Olar ashyq dıalog barysynda zamanýı qalalardyń damýy týraly óz oılaryn ortaǵa salyp jatyr.

Almaty qalasynyń ákimi Baqytjan Saǵyntaev «Almaty 2050» damý strategııasy týraly aıta kelip, onyń basty úsh qaǵıdat - jańa ekonomıka, jańa keńistik jáne jańa kommýnıkatsııalarǵa negizdelgenin atap ótti.

«Biz almatylyqtardyń joǵary sapaly ómir súrýi myqty qalalyq ekonomıkalyq baza qalyptasqanda ǵana múmkin ekenine kóz jetkizdik. Sondyqtan strategııada ekonomıkalyq damýdyń «qurylymdyq manevri» jasalǵan, osynyń aıasynda biz kreatıvti ındýstrııanyń, aqparattyq tehnologııanyń, týrızmniń úlesin birtindep ulǵaıtamyz», — dedi Baqytjan Saǵyntaev.

Jıyn barysynda megapolıs ákimi Almatynyń «shetsiz qala» retinde damıtynyn aıtty.

«Qala keńistigin polıortalyqtandyrýǵa kóshirý birtindep júzege asady. Ómir súrýdiń joǵary sapaly standarttary bolýy tıis jáne ol qalanyń barlyq aýdandarynda qamtamasyz etiledi. Bul - meniń aldyma qoıǵan basty maqsatym», - dedi ákim.

Úshinshi qaǵıdat – jańa kommýnıkatsııalar «Almaty 2050» strategııasyn ázirleýde qoldanyldy jáne qalanyń eń ózekti máselelerin taldaýda konstrýktıvti qoǵamdyq dıalogty qorytyndylady.

Strategııadaǵy mindetterdi júzege asyrý úshin ortamerzimdi, sheshýdi qajet etetin birqatar qujattar qabyldandy. Bular – 2020-2024 jyldarǵa arnalǵan «Jańa Almatynyń» keshendi jospary, «Úlken Almaty» — Almaty aglomeratsııasyn damytýdyń óńiraralyq jospary jáne «Almaty Bıznes-2025» biryńǵaı óńirlik baǵdarlamasy.

Bulardan ózge, «Almaty 2025» damý baǵdarlamasy, qalany damytýdyń sheberlik josparynyń tujyrymdamasy jáne Almatynyń jańa bas jospary ázirlenedi. Sonymen qatar, qalanyń barlyq segiz aýdany damýdyń úsh jyldyq sheberlik josparyn daıyndaýy tıis.

«Bul strategııany ázirleýge jáne talqylaýǵa qalanyń barsha jurtshylyǵy belsene qatysty dep nyq senimmen aıta alamyn. Ony daıyndaýǵa Almatynyń sarapshylar qoǵamdastyǵy, Іskerlik keńesi, Qoǵamdyq keńesi, qalalyq máslıhattyń depýtattar korpýsy, bıznes-qoǵamdastyq, qalanyń belsendi azamattary men turǵyndary keńinen tartyldy», - dedi shahar basshysy.

Ol Almatyny strategııalyq josparlaý barysynda «Halyq únine qulaq asatyn memleket» qaǵıdatynyń alǵash ret júzege asqanyn atap ótti.

Strategııa jobasy arnaıy saıtta ashyq túrde usynyldy, munda árkim óziniń usynys-pikirin bildire aldy jáne qalalyq gazetterde jarııalandy, áleýmettik jeliler men telearnada keńinen tarady.

Jalpy, myńnan astam usynys tústi. Qalalyq mobıldilik jáne kólik ınfraqurylymyn damytý boıynsha túsken saýaldar basym (18,2%) boldy, ekinshi orynda (12%) - ekologııa men jasyldandyrý, aýa basseınin tazartý máselelerin sheshý tursa, sáýlet, qurylys TÚKSh boıynsha túsken usynystar 10,6%-dy qurady.

Barlyq túsken usynys birneshe sanatqa bólindi. Saıt arqyly túsken turǵyndardyń shamamen 130 usynysy strategııanyń qorytyndy nusqasynda eskerildi. 234 usynys ortamerzimdi (taktıkalyq) sıpat alǵandyqtan, memlekettik organdardyń operatsııalyq josparyna enedi. 123 usynys taıaý arada sheshilýi úshin OpenAlmaty júıesine tirkelgen.

Sarapshylar men qoǵamnyń pikiri eskerilip, qaıta tolyqtyrylǵan strategııa qalalyq máslıhattyń qaraýyna usynylady.

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT