+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Almatyda qatty jer silkinisi bolýy múmkin be: ǵalymdar boljamy

2020 jylǵy 20 qańtar 15:06
Bólisińiz:
Almatyda qatty jer silkinisi bolýy múmkin be: ǵalymdar boljamy

ALMATY. QazAqparat - Seısmologııa ınstıtýtynyń aımaqtyq seısmıkalyq zerthanasynyń meńgerýshisi Alla Sadyqova ǵalymdardyń jer silkinisin boljaý boıynsha qalaı jumys istep jatqanyn aıtyp berdi, dep habarlaıdy QazAqparat tilshisi.

Uqsas jańalyqtar
Almatydan 366 km qashyqtyqta jer silkindi Almatydan 73 km qashyqtyqta jer silkindi Aıdos Sarym: Jańa qujatta beıbit sherýdi uıymdastyrýshylardyń mindetteri aıqyndalǵan

«Úsh jyl boldy biz jer silkinisin erte eskertý júıesiniń ádisnamalyq negizderin qurý baǵdarlamasymen jumys istep jatyrmyz. Aıta ketý kerek, erterek aldyn ala habarlaý júıesi adamǵa nemese turǵyndarǵa jer silkinisi bolatyndyǵy týraly eskertýdi bildirmeıdi. Bul birinshi tolqyn kelgende júıege avtomatty dabyl beredi. Mysaly, poıyzdy toqtatý, gazdy, sýdy, jaryqty sóndirý úshin. Aldyn ala eskertý júıesi jer silkinisin boljaýǵa emes halyqtyń, adamdardyń qaýipsizdigin qamtamasyz etetin júıeni avtomattandyrý úshin jasalǵanyn túsiný kerek», - dedi ol.

Ol japon ǵalymdary qazaqstandyq áriptesterine qazir synaqtan ótip jatqan 5 datchıkti syıǵa tartqanyn atap ótti. Olar seısmıkalyq tolqynnyń birinshi bóliginiń kelýine jáne belgili bir amplıtýdaǵa baılanysty bolady. Eger qurylǵy mekemede nemese turǵyn úıde ornatylǵan bolsa, dabyl qosylyp, jer silkinisiniń ekinshi tolqyny kele jatqanyn habarlaıdy.

«Eger jer silkinisi týraly aıtatyn bolsaq, onda seısmologııa ınstıtýtynda 30 jyl boıy boljamdyq komıssııa jumys istep keledi. Bul komıssııanyń negizgi mindeti - jer silkinisi týraly boljam jasaýǵa tyrysý, ıaǵnı ol 7 ball nemese odan da kóp bolsa. Al ústirttiń álsiz terbelisterin (5 ballǵa deıin) tipti boljaı almaımyz. Almaty aýmaǵyndaǵy jeli geofızıkalyq parametrlerdegi barlyq anomaldy ózgeristerdi baıqaı alamaıdy. Biz Almatynyń aınalysyndaǵy belsendi jerlerdi kórsete otyryp, birneshe jylǵa uzaq merzimdi boljam jasaımyz.

Sonymen qatar orta merzimdi boljamdy jyl saıyn ázirleımiz. Qańtardyń aıaǵynda jáne aqpannyń basynda biz 2019 jyldyń materıaldaryn negizge ala otyryp 2020 jylǵa boljam jasaımyz. 2020 jyly 7 ball nemese odan da joǵary, MPV magnıtýdasy – 5,6 bolatyn jer silkinisi bolama ma, soǵan boljam jasaımyz»,– dedi Alla Sadyqova.

Ol Almaty qalasynyń seısmoqaýipti aımaqta ornalasqanyn jáne biliner-bilinbes jerasty dúmpýleri jıi bolyp turatynyn atap ótti.

Sonymen qatar, aımaqta Vernyı, Shelek, Kemıns kezinde kúshti jer silkinisi bolǵanyn tilge tıek etti.

«Odan beri 100-130 jyl ótti. Tynyshtyq kezeńi aıaqtalady, jaqyn aralyqta belsendilik kezeńi bastalady. Bul jóninde ýaqytyly habardar bolamyz dep úmittenemiz, biraq Almaty turǵyndary men barlyq kúsh qurylymdary bul jer terbelisine kez-kelgen ýaqytta daıyn bolýy kerek. Biz jer silkinisi qaýpi bar aımaqta ómir súrip jatyrmyz», - dep atap ótti ǵalym.

Eske salaıyq, birneshe kúnde almatylyqtar birqatar jer silkinisin sezdi.


Bizdiń kanalymyzǵa jazylyńyz:

Basty sózder: Almaty, Ǵylym, Jer silkinisi,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT