Almatyda qatań lokdaýn engiziledi degen aqparat jalǵan bolyp shyqty

ALMATY. QazAqparat – Megapolıs ákimi Almatyda qatań lokdaýn engiziledi degen aqparattyń shyndyqqa janaspaıtynyn aıtty, dep habarlaıdy QazAuparat tilshisi.

Uqsas jańalyqtar

Almaty oblystyq sotynyń ǵımaraty karantınge jabyldy

Rýdnyıda oıyn klýby karantınge qaramastan jumys istep turǵan Karantın: Elordada bir táýlikte 108 kásipkerlik nysan tekserildi Qyzylorda oblysynda 6 myń túlek segiz testileý ortalyǵynda UBT tapsyrady

«Birden aıtaıyn, Almatyda eshqandaı karantın bolmaıdy. Bul derekterdiń qaıdan shyqqanyn bilmeımin, bul qaýeset tez taralyp jatyr», - dedi ákim Almaty Invest forýmy aıasynda.

Ol keshe ǵana qala «sary aımaqta» bolǵanyn atap ótti.

«Densaýlyq saqtaý mınıstrligi taratqan málimetke sáıkes, búginen bastap qaıtadan jasyl aımaqqa óttik. Biz «sary» men «jasyl» aımaqtyń ortasynda bolamyz», - dedi ákim.

Sonymen qatar, ol qalanyń bas sanıtarlyq dárigeriniń barlyq shekteý sharalaryn mindetti túrde oryndaý kerektigin jetkizdi.

«Biz pandemııamen kúresý úshin qalany jappaýymyz kerek. Aldymyzǵa ondaı maqsat qoıǵan joqpyz. Biz ony bastan ótkerdik, biz oǵan qansha kúsh jumsalǵanyn bilemiz. Bul ekonomıkalyq turǵydan qalaǵa ǵana emes, elge de qatty soqqy boldy. Búgin biz karantın jarııalaımyz. Alaıda sanıtarlyq-epıdemıologııalyq qyzmettiń barlyq talaptaryn oryndamasaq, onda biz qalany jabýǵa májbúr bolamyz «, - dep atap ótti Baqytjan Saǵyntaev.