Jańalyqtar  >
  Almaty

Almatyda kásipkerden aqsha bopsalaǵan alaıaq 4 jylǵa sottaldy

2022 jylǵy 26 qyrkúıek, 20:32
Almatyda kásipkerden aqsha bopsalaǵan alaıaq 4 jylǵa sottaldy

ALMATY. QazAqparat - Naýryzbaı aýdandyq sotynda ózderin tótenshe jaǵdaı mamandary retinde tanystyryp, kásipkerlerden aqsha bopsalaǵan alaıaqtarǵa qatysty sot úkimi shyqty, dep habarlaıdy QazAqparat tilshisi.

Qylmystyq is Almaty qalasy Naýryzbaı aýdandyq sotynda qaraldy. Sot «Nur-SultanProm bezopasnost» JShS-niń úsh qyzmetkerin QR Qylmystyq kodeksiniń 190-babynyń 3-bóligimen (alaıaqtyq) kináli dep tanyp, probatsııalyq baqylaý ornata otyryp árqaısysyna 4 jylǵa shartty jaza taǵaıyndady.

Sondaı-aq sottalǵandar sot úkimi zańdy kúshine engen kúnnen bastap 10 kún ishinde probatsııa qyzmetine tirkelýge mindetti.

Olar turǵylyqty jerin, jumysyn, oqýyn ózgertpeýi tıis. Budan bólek, oıyn-saýyq mekemelerine barýlaryna tyıym salynady. Úsh aıyptalýshy da óz kinásin tolyq moıyndap, jábirlenýshilerge keltirilgen shyǵyndy ishinara ótedi. Buǵan deıin Almaty qalalyq prokýratýrasy «Nur-SultanProm bezopasnost» JShS qyzmetkerleri ózderin TJ organdarynyń mamandary retinde tanystyryp, bıznes sýbektilerine aıyppul salamyz dep qorqytqanyn aıtqan bolatyn.

Atalǵan faktiler boıynsha Naýryzbaı aýdanynyń prokýratýrasy qylmystyq isti qozǵaýǵa bastamashylyq etti, nátıjesinde alaıaqtyq jasady degen kúdikpen 1991 jáne 1995 jyly týǵan úsh azamat ustalǵan edi.


Tegı:
Uqsas jańalyqtar
Seriktester jańalyqtary

Jańalyqtar