+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Almatyda qaraýsyz qalǵan ýchaskeden 800 KamAZ qoqys shyǵaryldy

2021 jylǵy 15 qyrkúıek 09:53
Bólisińiz:
Almatyda qaraýsyz qalǵan ýchaskeden 800 KamAZ qoqys shyǵaryldy

ALMATY. QazAqparat - Almaty ákimi Baqytjan Saǵyntaev joldar men jaıaý júrginshiler aımaǵyn jóndeý barysymen, sondaı-aq qoǵamdyq keńistikterdiń abattandyrylýymen tanysty, dep habarlaıdy QazAqparat tilshisi.

Uqsas jańalyqtar
ShQO-da 42 ruqsat etilmegen qoqys orny anyqtaldy

«Tóle bı kóshesinde Baıtursynov kóshesinen ıAssaýı kóshesine deıin jalpy uzyndyǵy 8,5 shaqyrym bolatyn jol jóndelip jatyr. Trotýar jamylǵysy jańaryp, jıekter men aryq naýalary ishinara aýystyryldy. Tar ýchaskelerde - Baıtursynov kóshesinen Áýezov kóshesine deıin - tramvaı relsteri alynyp jatyr. Osylaısha, jóndeletin joldyń uzyndyǵy boıynsha júris bóliginiń eni birdeı bolady»,- deıdi Almaty ákimi.

Jol jıeginiń boıyna aıaldama qaltalary joq qoǵamdyq kóliktiń jolaqtary bolady. Bul rette jol qaýipsizdigi talaptaryna sáıkes keletin jerlerde jalpyǵa arnalǵan turaq qaltalary uıymdastyrylǵan. Negizgi kóshelermen qıylysqa deıin burylys úzilisteri bolady.

Búginde Baıtursynov kóshesinen Baızaqov kóshesine deıin jáne B.Momyshuly kóshesinen ıAssaýı kóshesine deıingi ýchaskelerge asfalt tóseý aıaqtaldy.

Almaty ákimi Baqytjan Saǵyntaev jóndeý jumystarynyń sapasyn baqylaýdy jáne ortalyq kósheni kólik qozǵalysy úshin belgilengen merzimde ashýdy tapsyrdy.

Qala ákimi sondaı-aq Naýryzbaı aýdanynyń ákimshilik ortalyǵynda B.Momyshuly kóshesinen Alataý kóshesine deıingi jańa metro stantsııalarynyń qurylysy men Abaı dańǵylyn uzartý barysyn tekserdi.

«Jaıaý júrginshilerge yńǵaıly bolýy úshin Tóle bı kóshesiniń boıynda ıAssaýı kóshesinen B. Momyshuly kóshesine deıin serýendeý aımaǵynyń qurylysy aıaqtalýda. «Bıýdjetke qatysý» aıasynda júzege asyrylatyn jobasy boıynsha aǵymdaǵy jóndeý, ýchaskeni asfalttaý, oryndyqtar, daýys berý jáshikterin ornatý, jaryqtandyrý baǵanalary qarastyrylǵan»,- dep atap ótti Baqytjan Saǵyntaev.

Altyn besik shaǵynaýdany turǵyndarynyń ótinishi boıynsha Ánet baba kóshesiniń boıyndaǵy bos jatqan jerge oıyn alańy men fýtbol alańy salynyp jatyr.

Jaqyn jerde balabaqsha qurylysy josparlanǵan. Trýdovaıa kóshesiniń boıyndaǵy qaraýsyz qalǵan alańnan 800-ge jýyq KamAZ qurylys pen turmystyq qaldyqtar shyǵaryldy.

Endi munda sport, balalardyń oıyn jáne fýtbol alańdary paıda bolady.

Alataý aýdanynda Baqytjan Saǵyntaev «Nurkent» shaǵynaýdanyndaǵy 18 úıdiń jańartylǵan qasbetterin qarap shyqty. Jumys aıaqtalýǵa jaqyn. Turǵyndardyń belsendi qatysýymen aýlanyń aýmaǵy retke keltiriledi.

Megapolıs ákimi Ulttyq ǵylymı ortalyǵynyń qurylysyn da tekserdi. Jańa medıtsınalyq mekeme Elbasy tapsyrysymen salynyp jatyr, ol 350 tósek-orynǵa arnalǵan.

«Nurkent» shaǵynaýdanynda buqaralyq sportpen shuǵyldanýǵa jaǵdaı jasaý maqsatynda bıýdjet qarajaty esebinen 14 kortqa arnalǵan tennıs ortalyǵy - 4 jabyq jáne 10 ashyq alańdar salynýda.

Sonymen qatar, onyń janynan jeke ınvestıtsııa esebinen 12 ústel tennısi ortalyǵy salynýda. Jyl sońyna deıin jańa sport nysandaryn paıdalanýǵa berý josparlanǵan.

Jumys sapary kezinde qala ákimi «Alataý» shyǵarmashylyq habynyń ekinshi qabatyndaǵy IT-zerthanany ashýǵa arnalǵan úı-jaılardy qarap shyqty.

Bul IT-ındýstrııa ınfraqurylymyn damytý úshin qurylǵan uqsas zerthanalardyń keń jelisi núkteleriniń birine aınalady.

Baqytjan Saǵyntaev tıisinshe «Saıaly» shaǵynaýdanyndaǵy jáne «Tomırıs» shaǵynaýdanyndaǵy 1800 jáne 1500 oryndyq mektepterdiń qurylys qarqynymen tanysty.

Jańa bilim nysandaryn jyl sońyna deıin paıdalanýǵa berý josparlanǵan.

Jumys saparynyń sońynda Almaty ákimi «Tomırıs» jáne «Shańyraq-2» shaǵynaýdandaryndaǵy «Bıýdjetke qatysý» aıasynda bos ýchaskelerdiń ornyna salynǵan jańa balalar oıyn alańdary men sport alańdaryn qarap shyqty.

Jalpy, osy joba aıasynda bıyl Alataý aýdanynda 27 jergilikti sport jáne oıyn alańdary ashylady, olar barlyq shaǵynaýdan turǵyndary úshin qoljetimdi bolady.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT