+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Almatyda karaoke klýbta belgisiz bireýler boıjetkendi soqqyǵa jyqty

2021 jylǵy 14 qyrkúıek 13:08
Bólisińiz:
Almatyda karaoke klýbta belgisiz bireýler boıjetkendi soqqyǵa jyqty

ALMATY. QazAqparat - Karaoke-klýbtardyń birinde almatylyq qyz soqqyǵa jyǵyldy, dep habarlaıdy QazAqparat tilshisi.

Oqıǵa 11 qyrkúıekten 12 qyrkúıekke qaraǵan túni megapolıstegi karaoke-klýbtardyń birinde bolǵan. Bul týraly taıaq jegen qyz áleýmettik jelide aıtyp berdi.

«Bir qyz meniń qurbymnyń murnynan urdy. Men odan nege urǵanyn suraý úshin qasyna jaqyndadym. Ol beri burylyp, meni de ura bastady. Bizdi onyń jigiti ajyratty. Sol sátte men ony súıiktisin ynyshtandyryp, meni odan qutqarǵysy kelgen shyǵar dep oıladym. Biraq ol meni qyzymen birge uryp-soǵyp, tunshyqtyrdy. Bul ýaqytta qyzmetkerlerdiń eshqaısysy ajyratýǵa kelmedi. Men sol jerde ólip qala jazdadym», - dep jazady ol.

Keıinnen soqqyǵa jyǵylǵan almatylyq polıtsııaǵa aryz túsirdi.

Qalalyq polıtsııa departamenti atalǵan derek boıynsha QR QK 293-baby boıynsha sotqa deıingi tergeý bastalǵanyn jetkizdi.

«Qylmystyq isti Medeý aýdandyq polıtsııa basqarmasy tergep jatyr. Alǵashqy tergeý is-sharalarynyń kesheni ótkizildi, kúdiktilerden jaýap alyndy. Qazirgi ýaqytta jábirlenýshi alǵan dene jaraqatynyń aýyrlyq dárejesin anyqtaý maqsatynda sot-medıtsınalyq saraptama taǵaıyndaldy. Sotqa deıingi tergeý jan-jaqtylyq jáne obektıvtilik qaǵıdattaryna saı júrgiziledi»,-dep habarlady PD baspasóz qyzmeti.

Sondaı-aq, tergeý barysy Almaty polıtsııa departamenti basshylyǵynyń baqylaýynda.


Bizdiń kanalymyzǵa jazylyńyz:

#Almaty   #Oqıǵa   #Zań  
Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT