+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Almatyda karantın talabyn buzǵan 25 mekeme anyqtaldy

2021 jylǵy 21 maýsym 23:10
Bólisińiz:
Almatyda karantın talabyn buzǵan 25 mekeme anyqtaldy

ALMATY. QazAqparat - Almatynyń monıtorıng toby eki kúnde karantın sharalardyń 25 buzýshylyǵyn anyqtady, dep habarlaıdy QazAqparat tilshisi.

Monıtorıng tobynyń málimetinshe, Almatynyń kóńil kóterý mekemelerinde áli de jumys rejımin buzatyndar bar, qonaqtardy otyrǵyzý kezinde áleýmettik qashyqtyq saqtalmaıdy, qyzmetkerler maska taqpaıdy.

Demalys kúnderi Almatyda karantın sharalarynyń 25 buzylýy anyqtaldy. 17 maýsym kúni Almaly aýdanynda 40-qa jýyq adam bolǵan «Dýplet» bılıard klýby tıisti talapty buzǵan. Sol kúni Naýryzbaı aýdany Seıtbekov kóshesindegi jeke úıde sanıtarlyq normalar men qashyqtyqty saqtamaı 50-den astam adam bolǵan.

18 maýsymda tekserýshiler 200-den astam demalýshy bolǵan Medeý aýdanyndaǵy «Leıd Naıd Shoý» baryndaǵy zań buzýshylyqty tirkedi. Osy túni «Billioner» karaoke bary taǵy da quqyq buzýshylar tizimine kirdi, onda shamamen 80 kelýshi boldy.

19 maýsymnan 20 maýsymǵa qaraǵan túni Almaly aýdanynyń «Ldınka» kafesinde áleýmettik qashyqtyqty saqtalmaǵan. Onda 150 adam bolǵan. Sol túni tekserýshiler Bostandyq aýdanynyń «Status» kompıýterlik klýbynan 80-nen astam geımerdi shyǵardy.

Almaty qalasy sanıtarlyq-epıdemıologııalyq baqylaý departamentiniń málimetinshe, jyl basynan beri belgilengen shekteýlerdi buzǵany úshin 4 524 hattama toltyryldy. Sonyń ishinde zańdy tulǵalarǵa 149 764 115 teńge somasyna 427 hattama, jeke tulǵalarǵa qatysty betperde rejımin buzǵany úshin 179 658 030 teńge somasyna 4 097 hattama jasaldy. 75 materıal mamandandyrylǵan aýdanaralyq ákimshilik sottarǵa tapsyryldy.

Solardyń 54-i boıynsha qyzmetti toqtatý týraly sheshim qabyldandy.

Monıtorıngilik top ókilderiniń aıtýynsha, ótken aptada tekserýshilerdiń mobıldi toptary kúsheıtilgen rejımde jumys istedi. 920 mekeme tekserildi, 60 buzýshylyqtar tirkeldi. Jalpy somasy 5 mln teńgeden asatyn 48 hattama toltyryldy. Eń kóp buzýshylyq Alataý aýdanynyń aýmaǵynda anyqtaldy. Onda tekserýshiler karantın buzylǵan 28 mekemeni anyqtady.

Eske salaıyq, Almaty «jasyl» aımaqta ornalasqanyna qaramastan, koronavırýs boıynsha qaladaǵy epıdemıologııalyq jaǵdaı kúrdeli. Osyǵan baılanysty ońtústik astananyń turǵyndary men qonaqtary koronavırýs ınfektsııanyń odan ári taralýyn boldyrmaý úshin sanıtarlyq normalar men karantın talaptaryn qatań saqtaýy kerek. Kásipkerlik nysandardyń sanıtarlyq qaýipsizdik sharalaryn qatań baqylaýda.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT