Almatyda karantın rejımin buzǵandarǵa 3,5 mln teńgege aıyppul salyndy

ALMATY. QazAqparat – Almatynyń monıtorıng toptary kúsheıtilgen rejimde jumys istep jatyr. Talapty buzýǵa qatysty 7 fakt boıynsha materıaldar sotqa berildi, dep habarlaıdy QazAqparat tilshisi.

Uqsas jańalyqtar

Túrkistan oblysynda qoǵamdyq tamaqtaný oryndarynyń jumysy qaıta jandandy

Aqmola oblysynda dúkender demalys jáne mereke kúnderi jumys isteıdi Qazaqstanǵa Dýbaı-Almaty reısimen kelgen 4 jolaýshydan koronavırýs anyqtaldy Saryaǵashta karantınge qaramastan «Bata kókpar» uıymdastyrylǵan

Almatyda 32 monıtorıng top kúsheıtilgen jumysty jalǵastyrýda.

1-19 qańtar aralyǵynda 221 monıtorıng sharalary júrgizildi, onyń barysynda 1634 nysan qamtyldy. Sonyń nátıjesinde karantın sharalaryn buzýdyń 60 faktisi anyqtaldy.

Monıtorıng toptary tekserý nátıjesinde kelesi sharalar qabyldandy: karantın shekteýin buzǵany úshin ákimshilik quqyqbuzýshylyq jóninde 35 hattama toltyryldy, onyń ishinde zańdy tulǵalarǵa - 2 610 715 teńge bolatyn 15 hattama, jeke tulǵalarǵa betperde rejımin buzǵany úshin - 875 100 teńge somasyna 25 hattama toltyryldy. Kemshilik birneshe márte qaıtalanǵan mekeme boıynsha 7 materıal sotqa berildi.

Almaty qalasynyń mamandandyrylǵan aýdanaralyq ákimshilik sotyna aýdandar boıynsha tómendegideı materıaldar jiberildi:

-Alataý aýdany - 3 materıal: «Jaqsylyq» dámhanasy, «Tsentr shashlyka» dámhanasy, «Parvaz» dámhanasy ( qyzmeti 1 aıǵa toqtatyldy, aıyppul-100 AEK);

- Almaly aýdany boıynsha -1 materıal «Fınık» meıramhanasy ;

- Jetisý aýdany boıynsha - Nııazov J.A. kompıýterlik klýbyna 1 materıal;

- Naýryzbaı aýdany boıynsha - 2 materıal: «Premera» dámhanasy, «Taýjoly» dámhanasy (qyzmetin 1 aıǵa toqtatý, aıyppul-100 AEK).

Almaty qalasy Sanıtarlyq-epıdemıologııalyq baqylaý departamenti basshysynyń orynbasary Sádýaqas Baıǵabylov qoǵamdyq kólikte áleýmettik qashyq pen betperde rejımin saqtaýdyń mańyzdylyǵyn atap ótti.

«Qoǵamdyq kólikte betperde kımegen jeke tulǵalarǵa 30 AEK mólsherinde aıyppul, al tasymaldaýshylarǵa shaǵyn, orta nemese iri bızneske tıesiligine qaraı aıyppul 230 AEK - ten 1600 AEK-ke deıin jetedi», - dedi S.Baıǵabylov.

Esterińizge sala keteıik, megapolıste 1 qańtardan bastap koronavırýs ınfektsııasyn juqtyrǵandar qatary kún saıyn ósip barady. Búgingi kúni 20 myńnan astam jaǵdaı tirkelip, Almaty qalasy «sary aımaqqa» endi.