Almatyda qańtar qyrǵynynda kóz jumǵandardyń qurmetine panteon salynady
2022 jylǵy 20 qańtar 12:18

Almatyda qańtar qyrǵynynda kóz jumǵandardyń qurmetine panteon salynady

ALMATY. QazAqparat - Almatyda qańtardaǵy oqıǵalarǵa arnap panteon salynady. Bul týraly qala ákimi Baqytjan Saǵyntaev qalalyq shtab otyrysynda aıtty, dep habarlaıdy QazAqparat tilshisi.

Baqytjan Saǵyntaevtyń sózinshe, Almatyda jappaı tártipsizdik kezinde qaza tapqan adamdardy eske alýǵa arnalǵan panteon salynady.

«Memleket basshysynyń tapsyrmasymen jaqynda qańtar oqıǵalaryna arnalǵan panteonnyń eskızin daıyndaýǵa arnalǵan ashyq sáýlet baıqaýy jarııalanady», - dedi Almaty ákimi.

Buǵan deıin Baqytjan Saǵyntaev Almatydaǵy tártipsizdik barysynda zardap shekken dárigerlerge, polıtseılerge jáne órt sóndirýshilerge 2 mln teńgege deıin qarjy bólinetinin aıtqan bolatyn.


Avtor:
Tilshi

Jańalyqtar

MURAǴAT