Almatyda kámelet jasyna tolmaǵan qyz jol apatynan kóz jumdy
ALMATY. QazAqparat - Almatyda jol apatynan bir adam kóz jumdy, ekinshisi aýyr jaǵdaıda aýrýhanaǵa jetkizildi, dep habarlaıdy QazAqparat.
Ótken túni Súıinbaı dańǵylynyń 13-shi áskerı qalashyq aýdanynan ótetin tusynda aýyr apat boldy.
BMW avtokóliginiń júrgizýshisi dańǵyl boıymen ońtústikke qaraı júrip kele jatqan.
Bir ýaqytta rýldi basqara almaı qalǵan ol kólikti aǵashqa aparyp soqqan, sodan keıin mashına ınertsııa arqyly sham baǵanyna qaraı ushyp tústi.
2004 jyly týǵan júrgizýshiniń ózi aýyr jaraqat aldy. Ony jedel járdem brıgadasy №4 qalalyq aýrýhanaǵa jetkizdi.
Al 17 jastaǵy jolaýshy alǵan jaraqatynan sol jerde qaıtys boldy.
Jol-kólik oqıǵasyn Almaty polıtsııa departamentiniń qyzmetkerleri tergep jatyr.
Vıdeodan alynǵan kadr/ instagram.com/almaty_police_department
