Almatyda iri jol apatynan zardap shekken bir adamnyń jaǵdaıy aýyr
2022 jylǵy 20 mamyr 16:54

Almatyda iri jol apatynan zardap shekken bir adamnyń jaǵdaıy aýyr

ALMATY. QazAqparat - Almatydaǵy iri kólik apatynyń saldarynan aýrýhanaǵa túsken 4 adamnyń bireýiniń jaǵdaıy aýyr. Bul týraly ortalyq qalalyq klınıkalyq aýrýhananyń bólim meńgerýshisi Marat Almatov málim etti, dep habarlaıdy QazAqparat tilshisi.

Dárigerdiń aıtýynsha, ortalyq qalalyq klınıkalyq aýrýhanaǵa 20 jastaǵy tórt jigit jetkizildi. Bireýi ambýlatorlyq em alý úshin úıine jiberildi. Ekeýi aýrýhanada jatyr.

«Naýqastardyń biri tekserilip, medıtsınalyq kómek kórsetilgennen keıin ambýlatorlyq emdeýge jiberildi. Ekeýiniń mıy shaıqalyp, deneleri kógergen. Jaǵdaılary turaqty, palatada jatyr. Bir adam, ókinishke oraı, jansaqtaý bóliminde. Jaǵdaıy óte aýyr, turaqty emes, jasandy tynys alý apparatyna qosyldy», - deıdi Ortalyq qalalyq klınıkalyq aýrýhanasynyń neırohırýrgııa bóliminiń meńgerýshisi Marat Almatov

Naýqastar barlyq qajetti medıtsınalyq kómekti tolyq kólemde alyp jatyr.

Eske salaıyq, 19 mamyrda túngi ýaqytta ál-Farabı dańǵylynda jantúrshigerlik jol apaty bolyp, saldarynan bir adam qaza taýyp, 4 adam aýrýhanaǵa jetkizilgen edi.


Avtor:
Tilshi

Jańalyqtar

MURAǴAT