+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almatyda HQO qyzmetkeri káriz qudyǵynda ýlanyp qalǵan eki azamatty qutqardy

2020 jylǵy 1 maýsym 15:13
Bólisińiz:
Almatyda HQO qyzmetkeri káriz qudyǵynda ýlanyp qalǵan eki azamatty qutqardy

ALMATY. QazAqparat - Almaty Halyqqa qyzmet kórsetý ortalyǵynyń qyzmetkeri Erjan Ábdirazaqov káriz jelisinde tunshyǵyp qalǵan eki jigitti aman alyp shyqty, dep habarlaıdy QazAqparat tilshisi.

Oqys oqıǵa búgin 12:20-da Naýryzbaı aýdanyndaǵy Sábden Begalınov kósheleriniń qıylysynda bolǵan. Almaty sý kásipornynyń 2 qyzmetkeri káriz qudyǵyna túsip, gazǵa ýlanyp qalǵan.

Abyroı bolǵanda kúndiz jumysyna shyqqan Naýryzbaı aýdandyq HQKO qyzmetkeri Erjan Ábdirazaqov jol shetinde toptalyp turǵan adamdardy kórgen.

«Bir top adam lıýktiń qasynda tur eken. Qarasam, ishte 2 jigit jatyr. Bireýi múldem qozǵalyssyz. Ekinshisiniń bet-aýzy jybyrlap jatty. Joldan jol polıtsııasy qyzmetkerlerin de toqtatqan. Biraq, eshkim ishke túsýge bata alar emes. Barlyǵy qutqarýshylardy kútip turdy. Ústimde jumys kıimi bolǵan soń jigitterge «tússeńdershi, óletin boldy ǵoı» deıdi», - dedi Erjan.

Eshkimniń bata almaı turǵanyn kórgen ol kıimin sheship birden qudyqqa túsip ketken. Artynan Semeı, Aıagóz qalasynyń týmasy Amanjol Janseıitov ta sekirip túsken. Eki jigit talyp jatqan eki qyzmetkerdi birin ózderi kóterip, ekinshisin belinen belbeý baılap alyp shyqqan.

Syrtqa shyǵarǵan soń qulaǵan adamdar esin jımastan jatqan. Oqıǵa ornyna jetken dárigerler ottegi ballonyn kıgizip, jedel alyp ketti.

Et qyzýymen eshteńeni baıqamaǵan Erjan Ábdirazaqov keıinnen óziniń de azdap gazǵa ýlanǵanyn baıqaǵan. Biraq dárigerge qaralmaǵan.

«Úıge qaıtyp bara jatqanda basym aınalyp júregim aınydy. Tamaǵym aýyrdy. Sondaı-aq, kıimderim de bylǵanyp qalǵandyqtan men birden úıge qaıttym. Osy oqıǵany estigen bastyǵym da jumystan 1 kúnge bosatty», - dedi E.Ábdirazaqov.

Erjan Ábdirazaqov Halyqqa qyzmet kórsetý ortalyǵynda 2019 jyldan beri 1414 operatory jelisiniń operatory bolyp jumys isteıdi. Úılengen, 3 balasy bar.

Onyń aıtýynsha, qutqarý qyzmeti oqıǵa ornyna jedel járdem ketken soń biraq kelgen.

25 jáne 42 jastaǵy «Almaty sý» kásipornynyń qyzmetkerleri qazir jansaqtaý bóliminde jatyr.

Kásiporyn bul oqıǵaǵa baılanysty túsinik berdi.

«1 maýsymda «Almaty sý» kásipornynyń ótim qyzmetiniń qyzmetkerleri kommertsııalyq uıymdardyń sý esepteý quralyn teksermek bolǵan. Qyzmetkerler qatelesip sýdyń emes, káriz júıesiniń qaqpaǵyn ashyp qaraǵan. Sonyń kesirinen gaz býymen ýlanǵan. Qazir kásiporynda qyzmettik tekserý júrip jatyr. Negizinde «Almaty sý» qyzmetkerleri esepteý quraldarynyń kórsetkishin tirkeýmen ǵana aınalysýy tıis. Qudyqtarǵa túsý múlde olardyń mindetine kirmeıdi», - dedi «Almaty sý» MKK.


Bizdiń kanalymyzǵa jazylyńyz:

#Almaty   #Oqıǵa  
Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT