Almatyda halyqtyń JRVI men tumaý juqtyrýy azaıdy
2022 jylǵy 1 shilde 23:53

Almatyda halyqtyń JRVI men tumaý juqtyrýy azaıdy

ALMATY. QazAqparat - Almatyda halyqtyń JRVI men tumaý juqtyrýy azaıdy. Degenmen áli bosańsýǵa erte. Bul týraly Almaty qalalyq sanıtarııalyq-epıdemıologııalyq baqylaý departamentinen málim etti, dep habarlaıdy QazAqparat tilshisi.

Vedomstvo málimetinshe, bıylǵy alǵashqy 26 aptada qalada JRVI-diń 2 149 jaǵdaıy tirkeldi. Onyń ishinde 14 jasqa deıingi balalardyń úles salmaǵy 64,7%-dy qurady.

«Ótken jyldyń uqsas kezeńinde 5 069 jaǵdaı tirkelgen. Onyń ishinde 14 jasqa deıingi balalardyń úles salmaǵy 62 % boldy. Bul statıstıka ótken jyldyń sáıkes kezeńimen salystyrǵanda, JRVI-men syrqattanýdyń 2,4 ese tómendegenin kórsetedi», - dep habarlady qalalyq sanıtarııalyq-epıdemıologııalyq baqylaý departamentinen.

Osyǵan qaramastan, vedomstvo halyqty JRVI jáne tumaýǵa qarsy aldyn alý sharalaryn saqtaýǵa shaqyrdy.

«JRVI-men aýyratyn naýqastarmen janasýdan aýlaq bolyńyz;

- aýrýǵa shaldyqqan jaǵdaıda úıde bolý, ózin-ózi emdeýmen aınalyspaý, medıtsına qyzmetkerin shaqyryp, otbasy ortasynda, ujymda bolǵan kezde maska kııý, dárigerdiń taǵaıyndaýy boıynsha em alý qajet;

- túshkirý men jótel kezinde aýzyńyzdy qolyńyzben, maılyqpen, oramalmen jaýyp, qolyńyzdy múmkindiginshe jıi jýyńyz;

- ımmýndyq júıeni arttyrý: S vıtamınin jáne dárigerdiń usynysy boıynsha basqa dári-dárimekterdi qoldaný;

- qashyqtyqty saqtaý, kóp adam jınalǵan is-sharalarǵa qatysýdy qysqartý, ásirese JRVI, tumaý aýrýynyń kóterilýi kezeńinde, úı-jaılardy ylǵaldy jınaý júrgizýmen jeldetý;

- aýrý balalardy mektepterge, mektepke deıingi balalar mekemelerine jibermeý qajet», - dep eskertti vedomstvo mamandary.

Buǵan deıin Almatyda COVID-19 juqtyrǵandar sany artyp kele jatqanyn jáne koronavırýstyń stels-omıkron shtamy tirkelgenin, sondaı-aq, Almatyǵa Pfizer vaktsınasynyń 10 myń dozasy jetkiziletinin habarlaǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT