Almatyda gazben júretin 300 avtobýs satyp alyndy
2022 jylǵy 7 shilde 15:38

Almatyda gazben júretin 300 avtobýs satyp alyndy

ALMATY. QazAqparat- Almaty qalasynyń ákimdigi Memleket basshysynyń tapsyrmalaryn belsendi iske asyrýda. Bul týraly Ortalyq kommýnıkatsııalar qyzmetinde ótken brıfıngte Erbolat Dosaev aıtty, dep habarlaıdy QazAqparat tilshisi.

Onyń aıtýynsha, qala ekonomıkasynyń turaqty ósýi qamtamasyz etildi. Aǵymdaǵy jyldyń 5 aıynyń qorytyndysy boıynsha qysqa merzimdi ekonomıkalyq ındıkator 107,6%-ke deıin ósti.

«Osy jyldyń basynan beri 16,3 myń jumys orny quryldy. 3,3 myń oryndyq 54 balabaqsha ashyldy, 45 shaqyrym ınjenerlik jeli salyndy. Gazben júretin 300 avtobýs satyp alyndy, 145 myń aǵash otyrǵyzyldy», - dedi ol.

Sonymen qatar, ákim qyrkúıek aıyna deıin Almaty aglomeratsııasyn damytýdyń keshendi jospary ázirlengenin jetkizdi. Bul josparda megapolıs pen Almaty oblysy sınergııasynyń jobalary aıqyndalatyn bolady.

«Joǵary ınvestıtsııalyq belsendilik baıqalady, jyl basynan beri negizgi kapıtalǵa salynatyn ınvestıtsııalar 20,9%-ke ósti. Qala ekonomıkasynyń negizgi salasy – saýda jyl basynan beri alǵash ret 1,7%-ke ósip, «oń aımaqqa» shyqty. Osy jyldyń 5 aıynda Almatydaǵy iskerlik belsendilik ındeksi 4 protsenttik tarmaqqa ósip, mamyr aıynyń sońynda 48,7%-ti qurady. Birinshi jarty jyldyqtyń qorytyndysy boıynsha 50%-ten astam deńgeımen oń aımaqqa shyǵý kútiledi»,- dedi ol.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT