Almatyda epıdemıologııalyq jaǵdaı kúrdeli kúıinde qalyp otyr

ALMATY. QazAqparat - «Almaty» telearnasynyń Akimat Live baǵdarlamasynyń tikeleı efırinde qala ákimi Baqytjan Saǵyntaev megapolıstegi sanıtarlyq-epıdemıologııalyq ahýal jóninde aıtyp berdi, dep habarlaıdy QazAqparat tilshisi.

Uqsas jańalyqtar

ShQO-da dúkenge maska taqpaı kirgen adamǵa aıyppul salyndy

Qazaqstan men Ózbekstannyń vıtse-premerleri COVID-19-ǵa qatysty birlesken sharalardy talqylady «Ashyq» mobıldi qosymshasy bar elordada kásipkerlik sýbektileri jumysyn bastady Túrkistan oblysynda qoǵamdyq tamaqtaný oryndarynyń jumysy qaıta jandandy

Almatyda búgingi kúni koronavırýs ınfektsııasynyń 20 635 jaǵdaıy tirkeldi, onyń 12 927-i sıptomdy, 7 708-i sımptomsyz.

Osy jyldyń 19 qańtarynda COVID-19 aýrýynyń 127 jaǵdaıy tirkeldi, onyń ishinde 84 jaǵdaı sıptomdy, 28-i sımptomsyz.

Jalpy juqtyrýdyń táýliktik ósimi - 0,5%. Almatyda vırýstyń reprodýktıvtilik kórsetkishi 0,954 (respýblıka boıynsha - 1,1).

Infektsııa negizinen qoǵamdyq oryndarda juǵýda. 3-19 qańtar aralyǵynda qoǵamdyq oryndarda (40,1%), otbasyndaǵy KVI naýqaspen baılanys (27,4%), qalalyq kólikte (22,8%), jumys ornynda KVI naýqaspen baılanys kezinde (5,6%), shetelderden jáne ózge óńirlerden ákelingen ınfektsııa (2,6%) kórsetkishi osyndaı boldy.

Infektsııa juqtyrýdyń jaǵdaılary jas qurylym boıynsha mynadaı: 20-39 jastaǵylar - 34,7%, 40-59 jastaǵylar - 28,7%, 60 jáne odan úlken jastaǵylar - 21,3%.

Infektsııalyq statsıonarlarda 810 adam emdelýde, onyń ishinde 20 – bala bar, 17 naýqastyń jaǵdaıy óte aýyr, 147 naýqastyń jaǵdaıy aýyr, 644-iniń jaǵdaıy ortasha aýyr, 2 naýqastyń jaǵdaıy jeńil. Jazylyp shyqqandary – 82, aýrýhanaǵa túskenderi – 112.

Qalyptasqan jaǵdaıdy eskere otyryp, qala ákimi B. Saǵyntaev qalalyqtarǵa sanıtarlyq-epıdemıologııalyq qaýipsizdik sharalaryn qatań saqtaý qajettigin eskertti.

Almaty ákimi tikeleı efır barysynda qala turǵyndaryn tolǵandyratyn túrli saýaldarǵa, onyń ishinde joldardy salý men jóndeý, gazben jabdyqtaý, múgedekterdi qoldaý jáne megapolıstiń ınfraqurylymyn damytý máselelerine qatysty qoıylǵan suraqtarǵa jaýap berdi.