+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Almatyda «Eńbek» baǵdarlamasy boıynsha 13 myń adam jumysqa ornalasady

2021 jylǵy 1 shilde 15:19
Bólisińiz:
Almatyda «Eńbek» baǵdarlamasy boıynsha 13 myń adam jumysqa ornalasady

ALMATY. QazAqparat- Karantın kezinde kóptegen qala turǵyndary jumysqa ornalasýda qıyndyqtarǵa tap boldy. Almatyda jumyspen qamtý máselesi «Eńbek» memlekettik baǵdarlamasynyń kómegimen sheshilmek.

Uqsas jańalyqtar
Almatyda jańa kreatıvti keńistik tanystyryldy Almatyda áleýmettik beıimdeý ortalyǵy ashyldy Koronavırýs: Almatyda bir táýlikte 7,2 myń adam vaktsına aldy

Bul týraly onlaın brıfıng barysynda qalalyq Áleýmettik ál-aýqat basqarmasy basshysynyń orynbasary Danııar Álkebaıuly málim etti, dep habarlaıdy QazAqparat tilshisi.

Danııar Álkebaıulynyń aıtýynsha, halyqtyń osal toptaryn qorǵaý memlekettiń áleýmettik saıasatynyń negizgi fýnktsııalarynyń biri. Sondyqtan qalada «Eńbek» memlekettik baǵdarlamasy aıasynda jańa jumys oryndary qurylýda.

«Bıyl «Eńbek» baǵdarlamasy aıasynda 13 myńǵa jýyq adamdy jumyspen qamtý sharalary josparlanýda. Onyń ishinde 800 adamdy jastar praktıkasyna, 960 adamdy áleýmettik jumys oryndaryna, 6 myń adamdy qoǵamdyq jumystarǵa jiberemiz, sondaı-aq myńǵa jýyq adamǵa grant berý qarastyrylǵan, suranysqa ıe mamandyqtarǵa qysqa merzimdi oqytýǵa taǵy myń adamdy jiberemiz jáne 115 almatylyqqa shaǵyn nesıe beremiz ári basqa da kóptegen qoldaý sharalaryn usynamyz», – dedi spıker.

Bul rette usynylatyn mamandyqtar aýqymy keń, JOO, kolledjder, kásiptik lıtseı túlekteri de, zeınetkerlik jasqa deıingi azamattar da, bilimi joq adamdar ózderine unaıtyn turaqty jumys taba alady.

Jyl basynan beri jumyspen qamtý ortalyǵyna 25 myń adam ótinish bergen. Jumyspen qamtý sharalary boıynsha 17,3 myń qala turǵyny qamtyldy. Onyń ishinde turaqty jumys oryndaryna – 7,7 myń adam jumysqa turdy, ýaqytsha jumys oryndaryna – 8,3 myń adam jiberildi.

Sonymen qatar, Almaty qalasy Áleýmettik ál-aýqat basqarmasy basshysynyń orynbasary Danııar Álkebaıuly qoldaý sharalary týraly aıtty.

Bıznes-ıdeıalardy iske asyrý maqsatynda 2021 jyly árqaısysy 200 AEK-ke deıingi mólsherde 1 myń grant berý josparlanǵan. Búginde bolashaq kásipkerlerge 495 grant berildi.

«Basty mindet – jumyssyzdyqqa jol bermeý, sondyqtan biz qala turǵyndaryn jańa suranysqa ıe mamandyqtarǵa oqytamyz. Búginde 600 almatylyq bilim alýda, taǵy da myń jumyssyzdardy kýrstarǵa jiberý josparlandy, - dedi spıker.

Sondaı-aq 2021 jylǵy noý-haý «birinshi jumys orny» jobasy boldy. Ol jastardy jumysqa ornalastyrýǵa ári tıisti eńbek tásilderin úıretýge jáne birinshi jumys ornynda beıimdelýge baǵyttalǵan. Búginde osy joba aıasynda 24 adam jumys isteıdi.

Danııar Álkebaıuly «Bıznestiń jol kartasy», «Nurly jer», ındýstrııalyq-ınnovatsııalyq damý, agroónerkásiptik keshen, bilim men ǵylymdy damytý, óńirlerdi damytý, týrızm, «Eńbek» jáne basqa da baǵdarlamalar aıasynda Almatyda 15,6 myń jumys orny qurylǵanyn aıtty.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT