+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almatyda Elorda kúnine oraı 6 turǵyn úı kesheni paıdalanýǵa berildi

2020 jylǵy 5 shilde 15:59
Bólisińiz:
Almatyda Elorda kúnine oraı 6 turǵyn úı kesheni paıdalanýǵa berildi

ALMATY. QazAqparat - Almatyda Astana kúni qarsańynda «Alataý sıtı», «Akvarel», «Central Avenue» , «Medeý park», «Terenkýr Terrasa», «Gúlder» 6 turǵyn úı keshenindegi kezekti úıler paıdalanýǵa beriledi, dep habarlaıdy QazAqparat tilshisi.

Uqsas jańalyqtar
Almatyda qansha adamnyń baspana kezeginde turǵandyǵy belgili boldy Nur-Sultanda muǵalimder men dárigerlerge áleýmettik turǵyn úı salynýda Bıyl 15 mln sharshy metr turǵyn úı paıdalanýǵa beriledi

1 myńnan astam páter Alataý, Bostandyq, Medeý jáne Naýryzbaı aýdandarynan berildi.

Jańa turǵyn úı keshenderi Almatyny «shetsiz qalaǵa» aınaldyrýǵa múmkindik beredi.

Almaty ákimi Baqytjan Saǵyntaev máseleni ózgertý úshin, qala shetinde turatyn azamattardyń da qala ortalyǵyndaǵy turǵyndar sııaqty qyzmet túrlerine qoldary jetimdi bolýy úshin olardyń ómir súrý sapasyn arttyrýda jaǵdaı jasaý kerektigin bir emes birneshe ret atap ótken bolatyn.

Onyń tapsyrmasymen qalada baspanaǵa qol jetimdilikti arttyrý boıynsha keshendi jumystar júrgizilýde. 2019 jyldyń 10 maýsymynan bastap búgingi kúnge deıin 3 myńnan astam muqtaj adam baspanamen qamtamasyz etildi. Onyń ishinde 284 kóp balaly otbasy (qalalyq «Baqytty otbasy» baǵdarlamasy boıynsha), 258 kóp balaly jáne tolyq emes otbasylar, múgedek balalardy tárbıelep otyrǵan otbasylar (respýblıkalyq «Baqytty otbasy» baǵdarlamasy boıynsha) jáne 1050 azamat 29 jasqa deıingi jumys isteıtin jastar úshin jaldamaly turǵyn úı baǵdarlamasy boıynsha baspanamen qamtamasyz etildi.

«Osy múmkindikti paıdalanyp, barsha qazaqstandyqtardy Elorda kúnimen quttyqtaǵym keledi. Sonymen qatar, osy baǵdarlamany bastaǵan Elbasyǵa alǵysymdy bildiremin. Bul baǵdarlama men sııaqty jastar úshin keremet múmkindik. Baǵdarlama boıynsha usynylǵan baspana óte jaıly, barlyq jaǵdaı joǵary deńgeıde jasalǵan», - dedi «Almaty jastary» baǵdarlamasy boıynsha páter alǵan jas turǵyn Aqmaral Maqtabaeva.

Jaqynda «Almaty jastary 3.0» baǵdarlamasynyń ekinshi kezeńi bastalǵanyn aıta ketý kerek. Turǵyn úı baǵdarlamasynyń biregeıligi tómen paıyzdyq mólsherlemede - 13 mıllıon teńgege deıingi nesıe jyldyq 5% jeńildikpen beriledi. Sonymen qatar, Almaty qalasynyń ákimi Baqytjan Saǵyntaevtyń bastamasymen atalǵan baǵdarlamaǵa qatysý sharttary jeńildetildi. Sonymen birge, qalada tirkeýge turý talaby alynyp tastaldy. Endi osy sebeppen qabyldanbaǵan ótinishter qaıta qaralady. Almatyda eki jyldyq tirkeýi joq jastar da ótinishterin bere alady.

Esterińizge sala keteıik, Almatyda 8,4 myńnan astam kóp páterli turǵyn úı bar. Qazirgi ýaqytta 26 myńnan astam qala turǵyny baspana satyp alý kezeginde tur.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT