Almatyda elektrosamokat pen mopedterdiń júrý erejesin belgileıtin qujat daıyndalýda
2022 jylǵy 7 shilde 16:35

Almatyda elektrosamokat pen mopedterdiń júrý erejesin belgileıtin qujat daıyndalýda

ALMATY. QazAqparat - Almaty ákimi Erbolat Dosaev qaladaǵy elektrosamokat, mopedterden týyndaıtyn máselelerdi sheshý jumystarynyń barysyn aıtty dep habarlaıdy QazAqparat tilshisi.

Almaty ákiminiń aıtýynsha, atalmysh máselege qatysty Іshki ister mınıstrligi zańnamalyq ózgerister daıyndaýda. Odan bólek, jańa tehnıkalyq standart shyqpaq. Qala ákimi eger ol standart qabyldansa, Almatyda máslıhatta jańa ózgerister men qosymsha jańa aktterdi qabyldaýǵa daıyn ekenin jetkizdi.

«Odan bólek, biz qosymysha jumystar istep jatyrmyz. Almatyda búginde elektrosamokattardy jalǵa beretin 4 operator bar. Solarmen jumys júrgizýdemiz. Atap aıtqanda, jyldamdyqqa lımıt qoıý, turaqtar, moped pen elektrosamokattardyń júrýge jáne qoıýǵa tyıym salynatyn geolokatsııa jáne t.b. normalar daıyndap jatyrmyz. Osy shilde aıynyń sońyna deıin oǵan qol qoıamyz», - dedi Erbolat Dosaev.

Eske salaıyq, Almaty ákimi buǵan deıin ózin samokat qaǵyp kete jazdaǵanyn aıtqan bolatyn.


Uqsas jańalyqtar

Jańalyqtar

Úrdis

MURAǴAT