Almatyda «El úmiti» jastar marafony ótedi

ALMATY. QazAqparat - 16 qarasha kúni Almatyda QR Tuńǵysh Prezıdenti Qorynyń uıymdastyrýymen «El úmiti» jastar forýmy ótedi, dep habarlaıdy QazAqparat tilshisi.

Bul – ekinshi marafon, alǵashqysy 3 qarasha kúni batys óńiriniń jastary úshin Aqtóbede ótken bolatyn.

«Halyq arena» sport saraıynda Almaty, Jambyl, Túrkistan oblystary men Shymkent jáne Almaty qalalarynyń bilim jáne ǵylym, bıznes pen medıtsına, mádenıet jáne sport, ekonomıka jáne qoǵamdyq ómirdegi belsendi jastary Elbasy qoldaýymen júzege asyrylǵan baǵdarlamalardyń arqasynda jetken jetistikterimen bólisedi», - dep habarlady QR Tuńǵysh Prezıdenti – Elbasy Qorynyń baspasóz qyzmetinen.

Marafonǵa QR Premer-Mınıstriniń orynbasary Berdibek Saparbaev, QR Tuńǵysh Prezıdenti – Elbasy Qorynyń atqarýshy dırektory Áset Isekeshev, Almaty qalasynyń ákimi Baqytjan Saǵyntaev pen mádenıet jáne qoǵam qaıratkerleri qatysatyny kútilýde.

Qazaqstan qalalarynda ótkizilip jatqan atalǵan marafon Elbasynyń «El úmiti» bastamasynyń aıasynda uıymdastyrylyp jatyr. Basty maqsat – talantty balalar men jastardy anyqtap, olarǵa qoldaý kórsetý, delingen habarlamada.