+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almatyda eki jasar bala terezeden qulap ketti

2020 jylǵy 2 maýsym 12:30
Bólisińiz:
Almatyda eki jasar bala terezeden qulap ketti

ALMATY. QazAqparat - Almatyda eki jasar bala ekinshi qabattyń terezesinen qulap, aýrýhanaǵa tústi, dep habarlaıdy QazAqparat tilshisi.

Tótenshe jaǵdaılar departamentiniń habarlaýynsha, jyl saıyn kún jylyǵan kezde balalardyń terezeden qulaý oqıǵalary jıileıdi. Osyndaı oqıǵalardyń aldyn alý úshin Almaty qalalyq Tótenshe jaǵdaılar departamentiniń qyzmetkerleri kópqabatty turǵyn úılerdiń kireberisterine ata-analarǵa arnalǵan kórneki quraldardy ornalastyrdy. Sonymen qatar buqaralyq aqparat quraldary men áleýmettik jeliler arqyly aqparat taratady.

«Alaıda balalardyń terezeden qulaý faktileri áli de jalǵasýda. Jyl basynan beri Almaty qalasynda osyndaı úsh jaǵdaı tirkeldi. Onyń biri keshe 1 maýsym - Halyqaralyq balalardy qorǵaý kúninde boldy. Almaly aýdanynda ornalasqan bes qabatty turǵyn úıdiń ekinshi qabatyndaǵy terezede moskıt toryna súıenip turǵan 2018 jyly týǵan búldirshin qulap ketti. Bala jabyq mı jaraqatymen balalar aýrýhanasyna jetkizildi. Balany úıde otyrǵan ata-analary bir sátke kózinen tasa qylǵan», - dep habarlady Tótenshe jaǵdaılar departamentiniń ókilderi.

Almaty qalasynyń Tótenshe jaǵdaılar departamenti ata-analarǵa taǵy bir márte saqtyq erejelerin eske salady:

– balalar 12,5 sm ashyq turǵan terezeden qulap ketýi múmkin;

– terezege onyń keń ashylýyna jol bermeıtin bekitý qurylǵysyn ornatyńyz;

– balalarǵa terezelerden alys oınaýdy úıretý kerek;

– balalardy únemi baqylaýda ustaý qajet;

– terezedegi moskıt torlary óte álsiz bolady:

– terezelerdiń janyna jıhaz qoımańyz.


Bizdiń kanalymyzǵa jazylyńyz:

#Almaty   #Oqıǵa  
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT