+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Almatyda «Egemen Qazaqstan» gazeti 100 jyldyq mereıtoıyn atap ótti

2019 jylǵy 8 qarasha 17:12
Bólisińiz:
Almatyda «Egemen Qazaqstan» gazeti 100 jyldyq mereıtoıyn atap ótti

ALMATY. QazAqparat – Ulttyq kitaphanada «Ushqynnan bastalǵan Egemen Qazaqstan» atty ǵylymı konferentsııa ótti. Onda respýblıkalyq basylymnyń tarıhy men keleshegi baıandaldy, dep habarlaıdy QazAqparat tilshisi.

«Egemen Qazaqstan» respýblıkalyq qoǵamdyq gazeti — elimizdegi eń erte jaryqqa shyqqan jáne eń tanymal basylymdardyń biri. Gazettiń alǵashqy nómiri 1919 jyly Orynbor qalasynda «Ushqyn» ataýymen jaryq kórdi. Basylym bıyl respýblıka kóleminde 100 jyldyǵyn atap ótýde.

Almatydaǵy aýqymdy sharaǵa «Egemen Qazaqstan» gazetiniń ardagerleri, belgili qoǵam qaıratkerleri, ǵalymdar, jýrnalıster men qala bıligi ókilderi qatysty.

«Ushqynnan bastalǵan Egemen Qazaqstan» atty ǵylymı konferentsııada Almaty qalasynyń ákimi Baqytjan Saǵyntaev basylymdy mereıtoıymen quttyqtady.

«Qurmetti qalamger qaýym, barshańyzdy elimizdiń árbir azamatyna etene tanys, respýblıkadaǵy mańdaıaldy basylym — «Egemen Qazaqstan» gazetiniń 100 jyldyq mereıtoıymen shyn júrekten quttyqtaımyn! Ǵasyrlyq tarıhy bar bul gazetti qolyna ustaǵan kez kelgen jan mundaǵy árbir aqparattyń shynaıylyǵyna, kótergen taqyryptyń mańyzdylyǵyna kámil senedi. Sebebi, gazettiń kásibı deńgeıi, ustanǵan baǵyty eshqashan ózgergen emes. Álem men qoǵam, saıasat pen ekonomıka, ádebıet pen mádenıet, sport pen týrızm aıdarlary boıynsha tyń aqparat taratqan basylym paraqtarynda jańashyldyq pen urpaqtar sabaqtastyǵynyń izi saırap jatyr», - dedi Baqytjan Saǵyntaev.

Sharaǵa jınalǵan qaýym, basylymnyń tarıhy men keleshegin baıandady.

«Egemen Qazaqstan» — shyqqanyna 100 jyl tolǵan, HH ǵasyrdyń basynda ulttyń joǵyn joqtaǵan Alash arystary qyzmet etken basylym. Bul gazette Smaǵul Sádýaqasov, Júsipbek Aımaýytov, Beıimbet Maılın, Sáken Seıfýllın, Muhtar Áýezov, Turar Rysqulov, Oraz Jandosov sııaqty tulǵalar eńbek etti. Sondyqtan bul — ulttyń toıy, halyqttyń toıy, rýhanı keńistigimizde bolyp jatqan uly oqıǵalardyń biri. Toı qutty bolsyn!» - dedi jazýshy Nurlan Orazalın

Ǵylymı konferentsııa barysynda gazettiń birqatar ardagerleri «Almatyǵa sińirgen eńbegi úshin» medalimen jáne Almaty qalasy ákiminiń alǵys hatymen marapattaldy.

Sonymen qatar, QR Ulttyq kitaphanasynyń qorynan 1919-2019 jyldar aralyǵyn qamtıtyn «100 jyl — 100 gazet» atty keń kólemdi kórme uıymdastyryldy.

Buǵan deıin, Almatyda «Egemen Qazaqstan» basylymynyń qurmetine eskertkish taqta ornatylǵanyn jazǵan bolatynbyz.

Bizdiń kanalymyzǵa jazylyńyz:

Basty sózder: Almaty, Mádenıet, BAQ, Qazaqstan tarıhy,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT