Almatyda dárigerler qaterli isigi bar 81 jastaǵy naýqastyń ómirin qutqaryp qaldy

ALMATY. QazAqparat - Almatyda 1200-ge jýyq onkologııalyq naýqas joǵary tehnologııaly sáýleli terapııa kýrsyn aldy, dep habarlaıdy QazAqparat tilshisi.

Uqsas jańalyqtar

Qazaqstanda medıtsınalyq qyzmetterdi monıtorıngileýdiń jańa ádisi engiziledi

Qazaqstannyń barlyq medıtsına uıymyna túgendeý júrgiziledi Óńirlerde ana ólimi azaımaı tur Elimizde densaýlyq saqtaý salasynda eki ulttyq joba usynylady

2019 jyly Almatydaǵy jańa radıologııalyq korpýsta jelilik údetkish ornatylǵan bolatyn. Bul Almaty qalasynyń turǵyndary úshin ony ornatý kezekti jáne sáýlelik terapııany kútýdiń ortasha merzimin azaıtýǵa múmkindik berdi. Kún saıyn Almaty qalasynyń 70-ke jýyq turǵyny joǵary energetıkalyq jabdyqta sáýlelik em alady. Bıyl jyl basynda joǵary tehnologııalyq sáýlelik terapııanyń 26 729 seansy ótkizilgen 1259 patsıent sáýlelik emdeýdi aıaqtady.

«Osy apparattyń kómegimen biz onkologııanyń kez kelgen túri bar adamdar úshin anaǵurlym dál qarqyndy jáne kólemdi sáýlelik terapııa júrgizemiz. Bul qondyrǵy saý tinderge áser etpeı, zarıadtalǵan bólshekterdiń shoǵyryn isiktiń ózine tikeleı baǵyttaýǵa múmkindik beredi», - dep túsindirdi Almaty Onkologııalyq ortalyǵynyń bas dárigeri Nursultan Іzmaǵambetov.

3 aıdan keıin patsıentterde emdeý nátıjelerin taldaý kezinde vızýaldy dıagnostıka ádisteri kezinde isik oshaǵy tolyq joıylǵan.

Sáýleden keıin asqynýlar bolmaǵan. Bul sózsiz patsıentter men olardyń týystarynyń ómir súrý sapasyn jaqsartady.

«Bizge» V-jasýshaly iri jasýshaly dıffýzdy lımfoma « dıagnozy bar 81 jastaǵy naýqas kelip tústi. Túsken kezde isik kólemi 675 ml bolatyn. 10 kúnge sozylǵan sáýlelik terapııadan keıin 110 ml-ge deıin tómendedi, aýyrsyný sındromy toqtatyldy. Mıishilik metastazdary bar 4 patsıentte 6 aıdan keıin aldyńǵy 3 sm metastazdardyń mólsheri 0,4 sm - ge deıin tómendegen», - dedi sáýlelik terapııa bóliminiń meńgerýshisi, Phd Evgenıı Ishkının.

Aıta keteıik, syzyqtyq údetkishte Germanııa, Avstrııa, Shveıtsarııa, AQSh-ta bilim alǵan 8 radıatsııalyq onkolog, 4 medıtsınalyq fızık, 3 ınjener, 8 sáýlelik zerthanashylar jumys isteıdi.

Medıtsınalyq kómek kórsetýde sondaı-aq 2020 jylǵy 1 qańtardan bastap emdeý protsesine sáýlelik terapııany qurý jáne baqylaý quraly retinde Visual Care Path (VCP) aqparattyq onkologııalyq júıeni engizý úlken ról atqardy. Bul radıatsııalyq terapııa mamandarynyń qashyqtyqtan baılanysýynyń qaǵazsyz túri. Ony daıyndaý jáne júrgizý qolǵa alyndy.

Atap ótetin jaıt, onkologııa salasyndaǵy medıtsınalyq qyzmetter kepildendirilgen tegin medıtsınalyq kómek kólemi aıasynda kórsetiledi.