+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Almatyda dárigerler qan qysymyn qalypta ustaýdyń qupııasymen bólisti

2019 jylǵy 15 maýsym 16:27
Bólisińiz:
Almatyda dárigerler qan qysymyn qalypta ustaýdyń qupııasymen bólisti

ALMATY. QazAqparat - Búgin Almatyda medıtsına qyzmetkerleri kúni qarsańynda №4 qalalyq klınıkalyq aýrýhanada Halyqaralyq arterıaldyq gıpertonııamen kúres kúnine arnalǵan ǵylymı-tájirıbelik konferentsııa ótti, dep habarlaıdy QazAqparat tilshisi.

Mamandar aýyrmaıtyn jol izdeýdiń amaldaryn aıtty. Konferentsııaǵa qaladaǵy medıtsınalyq mekemelerden jalpy tájirıbelik dárigerler, terapevter, kardıologtar, nevropatologtar, salaýatty ómir saltyn nasıhattaıtyn dárigerler qatysty.

Sonymen qatar, №4 qalalyq klınıkalyq aýrýhana men Jedel shuǵyl kómek aýrýhanasynyń dárigerleri telekópir arqyly ózara aqparat almasty.

№4 qalalyq klınıkalyq aýrýhananyń bas dárigeri Qanat Tezekbaev búginde arterıaldyq gıpertonııanyń aldyn alý, asqyndyrý deńgeıine jetkizbeý sharalarynyń der kezinde júrgizilýi ózekti ekenin atap ótti.

«Arterıaldyq gıpertonııamen aýyratyn naýqastardy der kezinde anyqtaý maqsatynda qaralatyn naýqastardyń sany jyldan jylǵa artyp keledi. Bir jaqsysy, olardy der kezinde emdep, ınsýlt pen jedel mıokard ınfarktysy deńgeıine jetkizbeı, emdeý múmkinshiligi artady. Árıne, dárigerler qan qysymynyń aldyn alýda, arterıaldyq gıpertonııasy bar naýqastardy emdeýde eleýli jetistikterge qol jetkizip, ozyq zamanaýı ádisterdi engizip otyr. Degenmen, eń kúrdeli másele kúndelikti tirshilik qamymen júrip, óz densaýlyǵymyzǵa degen jaýapkershiliktiń áli de azdyǵynda. Sondyqtan der kezinde skrınıngtik tekserýden ótip, aýrýdy asqyndyrmaı, dárigerler keńesine júginý kerek»,- dedi Qanat Tezekbaev.

«Help» ınsýltpen aýyratyn naýqastarǵa kómek kórsetý qory» QQ atqarýshy dırektory, nevropatolog-dáriger Aıgúl Qudaıbergenova júkti áıelderde arterıaldyq gıpertonııanyń asqynýy, onyń saldary, ana men balaǵa tıgizer áseri týraly baıandama jasap, klınıkalyq jaǵdaılarmen tanystyrdy.

Dárigerler arterıaldyq qan qysymyn baqylaýǵa qol jetkizý ádisterin jetildirý, tserebraldyq venotrombozdaryn dıagnostıkalaýdyń kúrdeliligi men emdeý terapııasyn júrgizý, akýsherliktegi qaıtalanǵan tromboembolıkalyq asqynýlar saldary, arterıaldyq gıpertonııasy bar naýqastardy emdeý erekshelikteri, arterıaldyq gıpertonııa kezindegi kognıtıvtik zaqymdanýlardy keńinen talqylady.

Statıstıkaǵa súıensek, gıpertonııalyq aýrýmen aýyrý kórsetkishi Qazaqstanda 3 jylda 10 paıyzǵa artqan.

Bizdiń kanalymyzǵa jazylyńyz:

Basty sózder: Almaty, Medıtsına,
Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT