+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Almatyda dárigerler er adamnyń keńirdeginde turyp qalǵan qystyrǵyshty shyǵardy

2020 jylǵy 23 qazan 14:42
Bólisińiz:
Almatyda dárigerler er adamnyń keńirdeginde turyp qalǵan qystyrǵyshty shyǵardy

ALMATY. QazAqparat - Jaqynda Almaty Jedel shuǵyl kómek kórsetý aýrýhanasyna eki aı boıy bronhynda temir qysqysh júrgen naýqas tústi, dep habarlaıdy QazAqparat tilshisi.

Uqsas jańalyqtar
Nur-Sultanda mas kúıde kólik aıdaǵan áıel júrgizýshi kýáliginen aıyryldy Almatyda er adam ústine benzın quıyp, óz-ózin órtemek bolǵan Oralda tórt avtokólik soqtyǵysyp, 4 adam zardap shekti

Bógde zat bronhqa tereń enip, túıirshiktenip, irińdegen.

Sóıtip absorbtsııalyq pnevmonııa bastaldy. Naýqas ókpeniń bir bóliginen aıyrylyp qalýy múmkin edi.

Biraq Almaty JShKKA dárigerleri endoskopııalyq otanyń kómegimen bóten zatty shyǵaryp aldy.

«Qystyrǵyshtyń ólshemi 6 mm de 5 mm, edáýir úlken. Endotrahealdy tútik pen bronhoskoptyń kómegimen biz qystyrǵyshty alyp tastadyq. Bul jumys fılıgrandy, otadan keıin asqynýlar bolmaýy úshin tinderdi zaqymdamaý mańyzdy boldy. Eń qıyny bóten dene tereńdeı kirip, tipti kórinbeı ketken», - dedi ǵylym doktory, aýrýhananyń endoskopııa bóliminiń bronhology Larısa Pıýrova.

36 jyl osy salada eńbek etip kele jatqan Larısa Pıýrova – Qazaqstannyń úzdik endoskopısteriniń biri. Ol dıssertatsııasynyń, kitaptary men jazbalarynyń bir bóligin osy problemaǵa arnady. Dáriger tájirıbesinde odan da aýyr jaǵdaılar bolǵanyn aıtty.

«Men óz ómirimde úsh júzge jýyq ota jasadym, tipti alty aılyq balalarǵa deıin. Bárinen buryn, men jeti jasar balanyń bronhynan ótken ınektsııalyq ıneni qalaı alyp tastaǵanym esimde. Men ıneni búgip, ony bir saǵattan astam ýaqyttan soń shyǵardym. Biz bronhtar men ókpeden dári-dármek, qalam, burshaq, tis protezderinen alynǵan bólshekter, tuqymdar, jańǵaqtar, tipti qasyqtyń sabyn shyǵardyq, osynyń bárimen naýqastar tynys alyp kelgen»,- dedi maman.

Qazir JShKKA dárigerleri qutqarǵan naýqas úıine shyqty. Traheobronhıaldy taramdarǵa bógde zat ense ómirge úlken qaýip tóndiredi nemese ókpede sozylmaly qabynýdy týdyrady. Bógde zattardyń bronhyǵa ótýine adamdar nemquraıly qaraıdy. Kútpegen jaǵdaıda jyldam tynys alý, qorqynysh, erkelik, qulaý, tamaq ishý kezinde sóıleý, kúlý. Mine balalar kóptep zardap shegetin mundaı jaǵdaılardyń aldyn alý úshin dárigerler tamaqtaný kezinde aýyz qýysynda bóten zattardy tabý úshin barynsha muqııat bolýǵa keńes beredi. Jatyp alyp tamaq ishýge bolmaıdy, tamaqtanǵan kezde asyqpańyz, kúlmeńiz, kenetten qımyl jasamańyz, jótelmeńiz. Alǵashqy kómek retinde jedel járdem kelgenge deıin naýqasty ózińizge arqasymen tik kúıinde eńkeıtip, keýdesin sál uryp, turyp qalǵan zatty jótelip shyǵarýyna kómektesý kerek. Kez kelgen jaǵdaıda dárigerdi shaqyrýdan tartynbańyz«,- dedi dáriger.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT