Almatyda sot oryndaýshysy soqqyǵa jyǵyldy
2021 jylǵy 5 qazan 12:02

Almatyda sot oryndaýshysy soqqyǵa jyǵyldy

ALMATY. QazAqparat - Almatyda zańsyz nysandy súrý kezinde sot oryndaýshysy soqqyǵa jyǵyldy, dep habarlaıdy QazAqparat tilshisi.

Oqıǵanyń vıdeosy áleýmettik jelide tarady.

Respýblıkalyq jeke sot oryndaýshylar palatasynyń habarlaýynsha, sot oryndaýshy Bostandyq aýdandyq sotynyń sheshimine sáıkes Vınogradnaıa 3/1 mekenjaıyna zańsyz nysandy súrý máselesimen barǵan.

«Shara qoldaný 4 qazan túski saǵat 11.00-ge josparlanǵan bolatyn. Sot oryndaýshy aýmaqqa polıtsııa qyzmetkerlerimen kirdi. Polıtsııa qyzmetkerleriniń janynda belgisiz bireýler sot oryndaýshysyna qysym jasaı bastady. Olar sot oryndaýshysyna óz mindetin oryndaýǵa tyıym salyp, qorqytýǵa tyrysyp, keıin soqqyǵa jyqty», - dep habarlady respýblıkalyq jeke sot oryndaýshylar palatasynan.

Sot oryndaýshysy atalǵan derek boıynsha qylmystyq is qozǵaý týraly tıisti aryz jazdy.

Qalalyq polıtsııa departamenti tıisti saraptamalar taǵaıyndalǵanyn málim etti.

«Bostandyq aýdandyq polıtsııa basqarmasy bul faktini tirkedi, sot oryndaýshysy úıdiń ıesine aryz jazdy, tıisti saraptamalar taǵaıyndaldy. Sonyń negizinde protsessýaldyq sheshim qabyldanady», - dep atap ótti PD baspasóz qyzmeti.


Seriktester jańalyqtary

Jańalyqtar

Úrdis

MURAǴAT