+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Almatyda azyq-túlik baǵasyn turaqtandyrý úshin ne istelip jatyr

2021 jylǵy 15 shilde 11:53
Bólisińiz:
Almatyda azyq-túlik baǵasyn turaqtandyrý úshin ne istelip jatyr

ALMATY. QazAqparat – Baqytjan Saǵyntaev «Almaty» telearnasyndaǵy tikeleı efır barysynda «Azyq-túlik baǵasyn turaqtandyrý úshin qandaı jumys atqarylyp jatyr?» degen suraqqa jaýap berdi, dep habarlaıdy QazAqparat tilshisi.

Uqsas jańalyqtar
Serik Jumanǵarın Prezıdentke azyq-túlik pen janarmaı baǵasyna qatysty esep berdi

Onyń aıtýynsha, shildeniń birinshi aptasynda tutyný baǵalar ındeksi 0,4%-ǵa tómendegeni baıqaldy, bul qalanyń pozıtsııasyn 4 tarmaqqa tómendetýge múmkindik berdi.

Jeńildetilgen nesıe boıynsha jalpy somasy shamamen 8 mlrd teńge berildi.

«Buǵan saýda jelileri men óndirýshiler qatysty. Mysaly «Magnum Cash & Carry» JShS-ǵa 12 ataýly áleýmettik mańyzy bar azyq-túlik taýarlaryn (un, kúrish, qaraqumyq jarmasy, makaron ónimderi, qant, kúnbaǵys jáne sary maı, aıran, sút, súzbe, taýyq eti jáne sıyr eti) osy jyldyń sońyna deıin belgilengen baǵamen alýǵa jáne uıymdastyrýǵa 3,1 mlrd tg bólindi», - dedi ol.

Bıyl qarasha aıyna deıin 10 áleýmettik mańyzy bar azyq-túlik taýarlary (un, kúrish, nan, makaron ónimderi, kúnbaǵys jáne sary maı, aıran, súzbe, taýyq eti, tuz) «Toımart» saýda jelisiniń sóresinde saralanǵan baǵany belgileý úshin 245 mln teńge osy maqsatqa paıdalanylady.

1 mlrd teńge - «Aqsaı «HBK» JShS 23,8 myń tonna nandy belgilengen naqty baǵasymen jetkizý úshin 75 tg/bólke osy jyldyń jeltoqsan aıyna deıin.

800 mln teńge - «Alsad Qazaqstan» JShS-ne 49,6 mln. jumyrtqa jetkizý úshin belgilengen naqty baǵasy 400 tg/ondaǵan 3 jyl ishinde.

«Union Products» JShS-ne 2730 tonna et ónimin (1365 tonna sıyr eti men taýyq eti boıynsha) 132 dúkenge belgilengen baǵa boıynsha (2050 – sıyr eti, 782 tg-taýyq eti) 2022 jyldyń naýryzyna deıin jetkizý úshin 250 mln teńge berilgen.

«Asyl Meat» JShS 6 fırmalyq dúkenine 2022 jyldyń maýsymyna deıin 2050 tg/kg baǵamen 90,5 tonna sıyr etin jetkizý úshin 88 mln teńge bólindi.

255 tg/kg-nan 5 myń tonna qant jetkizý úshin iri qant óndirýshi - «Merki qant zaýytyna» «aınalym» zaemyn berý pysyqtalyp jatyr.

«Qalanyń jeti negizgi azyq-túlik bazarlarynda (Kók bazar, Jańa Aqbulaq (kóterme saýda), Sary-Arqa, Tastaq, Taýsamaly, Almaty-1, Túrksib jármeńkesi) «áleýmettik dúkender» jumys isteıdi. Bul bazarlarda ÁMAT-tyń 10 túri (kartop, sábiz, pııaz, qyryqqabat, qant, qaraqumyq, kúnbaǵys maıy, kúrish, makaron ónimi, un) ortasha naryqtyq baǵadan tómen baǵamen satylady, bul satýshylar arasynda básekelestik ortany qalyptastyrady jáne halyqty qoljetimdi baǵamen kókónis ónimderimen qamtamasyz etýge múmkindik beredi»,- deıdi Baqytjan Saǵyntaev.

Sonymen qatar, ol 2021 jylǵy 24 maýsymda Almaty qalasy men Almaty oblysynyń óńiraralyq kooperatsııasy ózara yntymaqtastyq týraly memorandýmǵa qol qoıdy.

Sonymen qatar, kartop pen sábiz baǵasynyń ósýine baılanysty jedel túrde Túrkistan oblysynan kókónisterdi tikeleı jetkizý máselesi sheshildi.

Bul kartopqa kóterme baǵany 260 tg/kg-nan 125 tg/kg-ǵa deıin, sábizge 450 tg/kg-nan 200 tg/kg-ǵa deıin tómendetýge múmkindik berdi.

Bolashaqta naryqtyń tolyǵýyna baılanysty baǵany tómendetý tendentsııasy saqtalady.

2021-2022 jyly maýsymaralyq kezeńde «Magným» jáne basqa da saýda jelilerinde satý úshin 2,5 mlrd teńgege 22 myń tonna kókónisti satyp alýǵa «forvardyq» kelisim jasaldy.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT