+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Almatyda avtoturaqtyń aqysy qymbattaýy múmkin

2019 jylǵy 10 jeltoqsan 14:52
Bólisińiz:
Almatyda avtoturaqtyń aqysy qymbattaýy múmkin

ALMATY. QazAqparat - Almatydaǵy aqyly avtoturaq baǵasy qanshaǵa ósýi múmkin? Ol týraly «A-Parkıng» kompanııasynyń ókilderi aıtyp berdi, dep habarlaıdy QazAqparat tilshisi.

Uqsas jańalyqtar

«Tarıfterdi qalanyń mobıldilik basqarmasy retteıdi. Eger saralanǵan tarıf týraly kelisim bolsa, onda biz olardyń usynysyn oryndaımyz. Al eger bolmasa, onda burynǵy rejımde jumys isteımiz. Saralanǵan tarıf bolsa, ol kezeń-kezeńimen júrýi kerek dep keńes berdik. Eger baǵa 50 teńgege kóterilse, onda - saǵatyna 150 teńge bolady», - dedi kompanııa dırektory Marat Pirinbekov brıfıng barysynda.

Onyń aıtýynsha, aqyly turaqtyń arqasynda bos oryndar kóbeıedi. Al tarıf avtoturaqtaǵy úlken júktemeni azaıtý maqsatynda kóteriledi.

Óz kezeginde kompanııanyń qarjy dırektory Muhtar Bazarbaev kompanııa eshqandaı somany usynbaıtynyn aıtty.

«Sheshimdi ýákiletti organ - qalalyq mobıldilik basqarmasy qabyldaıdy. Qazirgi tarıf - 100 teńge 2011 jyly bekitilgen bolatyn», - dedi ol.

Marat Pirinbekovtyń túsindirýinshe, avtokólik ıeleri bir saǵat úshin tólegen 100 teńgeniń 58 teńgesi - avtoturaqtyń materıaldyq-tehnıkalyq jaǵdaıyn jaqsartýǵa jumsalady (jabdyqtardyń tozýy, IT qyzmetteri, qosalqy bólshekter men shyǵyn materıaldaryn satyp alý), 27 teńge - memleketke salyq pen mindetti tólemderdiń úlesine tıesili,16 teńge - eńbekaqyǵa, 10 teńge - ákimshilik shyǵyndar. Tólemder men ınkassatsııa úshin komıssııa - 5 teńge.

Búgingi tańda kompanııa ár turaq ornyn paıdalaný úshin 100 teńgeden 16 teńgege shyǵynǵa batty. Alaıda kompanııanyń bıznes-jospary 10 jylǵa eseptelgen, al ınvestıtsııanyń qaıtarymy jobanyń 6-shy jylynan bastap qamtamasyz etiledi.

Qazirgi ýaqytta «A-Parkıng» júıesi boıynsha qalada 11 683 avtoturaq bar. Onyń 6109-y jol boıyndaǵy avtoturaq (olar saǵat 08:00-den 19:00-ge deıin aqyly). Táýlik boıy aqyly 5574 kólik turaǵy jumys isteıdi.

Bizdiń kanalymyzǵa jazylyńyz:

Basty sózder: Almaty, Kólik, Tarıf,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT