+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Almatyda avtobýs aıaldamasy budan bylaı «Qazaq radıosy» dep atalady

2021 jylǵy 27 qyrkúıek 20:42
Bólisińiz:
Almatyda avtobýs aıaldamasy budan bylaı «Qazaq radıosy» dep atalady

ALMATY. QazAqparat - Almatydaǵy avtobýs aıaldamalarynyń birine «Qazaq radıosynyń» aty berildi, dep habarlaıdy QazAqparat tilshisi.

«Qazaq» jáne «Shalqar» radıolarynyń Almaty stýdııasynyń jetekshisi Baqyt Jaǵyparulynyń aıtýynsha, avtobýs aıaldamasy qazaq televızııasynyń qara shańyraǵy ornalasqan Jeltoqsan kóshesi, 175 úıdiń irgesinde.

«Atalǵan kóshemen júretin avtobýstarda jańa aıaldamanyń aty eki tilde atala bastady. Sonymen qatar, aıaldamaǵa Qazaq radıosynyń qondyrǵysy ornatyldy. ıAǵnı, búginnen bastap radıodan taraıtyn jańalyqtar men habarlardy jolaýshylar tyńdaı alady. Qazaq radıosy sóılep turady»,- deıdi Baqyt Jaǵyparuly.

Sonymen qatar, ol Qazaq radıosynyń 100 jyldyǵyna oraı memorıaldy taqta ornatylǵanyn atap ótti.

«Almaty qalalyq mádenıet basqarmasynyń qoldaýymen Qazaq radıosynyń ǵımaratyna, qara shańyraqqa Radıo úıi degen memorıaldyq taqta ornatyldy»,-deıdi ol.

Sondaı-aq QR Ulttyq kitaphanasynda «Almatydan sóılep turmyz...» atty radıonyń ǵasyrlyq tarıhynan syr shertetin kóne qujattar men sýretter kórmesi ótti.

Aıta keteıik, bıyl Qazaq radıosyna 100 jyl, «Shalqar» radıosyna 55 jyl tolyp otyr. Memleket basshysy Qasym-Jomart Toqaev «1 qazan - radıo qyzmetkerleri kúni» dep jarııalaýdy usynǵan bolatyn.

Prezıdent usynysy qoldaý taýyp, 13 tamyzda QR Úkimetiniń qaýlysy shyqty.

Esterińizge sala keteıik, Qazaqstanda radıohabar taratý tarıhy 1921 jyldyń qazan aıynda bastaldy.


Bizdiń kanalymyzǵa jazylyńyz:

#Almaty   #BAQ   #Onomastıka  
Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT