+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almatyda astana kúnine oraı jańa skverler ashyldy

2020 jylǵy 6 shilde 22:31
Bólisińiz:
Almatyda astana kúnine oraı  jańa skverler ashyldy

ALMATY. qazAqparat – Almatyda Astana kúnine oraı jańa skverler ashyldy, dep habarlaıdy QazAqparat tilshisi.

Almaty qalasy ákimdiginiń habarlaýynsha, Astana kúnine oraı Almaty qalasynda halyq ómiriniń sapasyn arttyrýǵa arnalǵan birqatar nysandar iske qosyldy. Basty maqsat – qala turǵyndary men qonaqtary úshin qolaıly mıkroklımat jasaý.

«Almaty-2050» strategııasynda belgilengen mindetterge sáıkes, qala ákimshiliginiń qyzmetinde basymdyq berilgen baǵyttarynyń biri qalada qolaıly orta qalyptastyrý bolyp tabylady. Almaty qalasynyń ákimi Baqytjan Saǵyntaevtyń tapsyrmasymen qalany abattandyrý boıynsha jumystar belsendi túrde júrgizilýde jáne túrli jobalar, atap aıtqanda, «Jumyspen qamtýdyń jol kartasy» jáne «Qatysý bıýdjeti» baǵdarlamalarynyń aıasynda júzege asyrylýda», – dep habarlady ákimdik.


Qala turǵyndaryna qolaıly ómir jaǵdaılaryn jasaý maqsatynda «Býdennyı» jáne «Maıak» skverleri iske qosyldy.

«Býdennyı» skveriniń jalpy aýmaǵy 1,1 ga, tósem tas (brýschatka) jabynynyń aýmaǵy – 2 150 sharshy metrdi, asfalt jabynynyń aýmaǵy – 1 579 sharshy metrdi quraıdy. Turǵyndar úshin skverde qolaılylyq jáne qaýipsizdik jasaý úshin onyń aýmaǵyna zamanaýı 50 LED jaryqshamy ornatylǵan. Sonymen birge, 16 jattyǵý qurylǵysy bar vorkaýt alańdardyń 4 túri bar. «Maıak» skverinde fýtbol alańy, strıt-boll alańy, sondaı-aq, jattyǵý quraldary bar 2 vorkaýt alańy bar»,– dep atap ótti ákimdiktegiler.


Sonymen birge, mereke qarsańynda Jambyl men Qojamqulov kóshesiniń buryshyndaǵy ýchaskeni abattandyrý jumystary aıaqtaldy. Alańda skeıtte, samokatta syrǵanaý, velosıped tebý sııaqty zamanaýı sport túrlerimen aınalysý úshin barlyq jaǵdaı jasalǵan.


Almaty qalasynyń ákimi Baqytjan Saǵyntaevtyń tapsyrmasy boıynsha qalany abattandyrý boıynsha keshendi jumystar júrgizilip jatqanyn eske salamyz. 2019 jyly 140-tan astam kóshe jóndeldi, 2020 jyly 200 kósheni jóndep, turǵyndarǵa qolaıly bolý úshin jer ústi jaıaý júrginshiler ótetin jolardy salý josparda. Qazir 11 joba qolǵa alyndy, olardyń arasynda saıabaqtardy, skverler men kóshelerdi abattandyrý, ózen arnalaryn qaıta qalpyna keltirý jumystary bar.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT